7 Maýsym 2018, 14:17 1148 0 Óner Dınara MYŃJASARQYZY

Eurasia Film Market halyqaralyq kınonaryǵy ótpek

2018 jyldyń 1 shildesinde XIV halyqaralyq "Eýrazııa" kınofestıvaliniń aıasynda Eurasia Film Market atty halyqaralyq kınonaryǵy ashylady, - dep habarlaıdy Tengrinews.kz tilshisi.

Bul - jyl saıynǵy kınematografısterdiń kásibı kezdesýleri men jańa jobalardyń tanystyrylymyna, búkil álemdik kınogerlerdiń pikir-tájirıbe almasýyna arnalǵan iskerlik alań. Eýrazııa kıno naryǵy medıa kompanııalardyń ókilderimen seılsagentterdi, dıstrıbıýtorlardy, tele jáne ınternet platforma ókilderin iskerlik kezdesýlerge, jańa jobalardyń tanystyrylymdaryna, sondaı-aq, tájirıbe almasýmen Qazaqstan jáne Ortalyq Azııadaǵy kınobıznestiń bolashaǵyn talqylaýǵa Astana qalasyna jınaıdy. Iskerlik alań Wyndham Garden Astana (Turar Rysqulov kósh., 6/1) qonaqúıinde bolady. Eurasia Film Market qonaqtaryn is-sharalardyń prezentaııalar, dóńgelek ústelder, paneldik pikirtalastar, master-klastar sekildi aýqymdy baǵdarlamasy kútedi. EURASIA FILM MARKET aıasynda dástúrli Eýrazııalyq naryq jobalary (pıtchıng) senarıılerdi damytý satysynda ótkiziledi. Pıtchıngke qatysýǵa Qazaqstan jáne Ortalyq Azııa halyqtarynyń rejısserleri shaqyrylady. Naryq jobalarynyń resmı baǵdarlamasyna qatysýǵa 10 jumystan alynady. Eýrazııalyq naryq jobalary - 2018-ge qatysatyn jobalardy tańdaýǵa qoıylatyn talaptar: - Siz halyqaralyq jáne qazaqstandyq aýdıtorııaǵa arnalǵan áleýeti joǵary tolyq nemese qysqametrajdy fılmniń jańa jobasyn ázirleýde bolsańyz (janryna jáne bıýdjetine shekteý joq); - Jobalardy usyný úshin qujattar jıyntyǵyna qoıylatyn talaptar (kórkem, derekti, tolyqmetrajdy, qysqametrajdy): - Kórkem nemese derekti, tolyqmetrajdy nemese qysqametrajdy kınofılm ázirlenip jatsa; - Toltyrylǵan saýalnama (saýalnama suraý boıynsha projectmarket@eurasiafestival.kz adresine jiberiledi); - Orys tilindegi túıindeme  (1-2 bet); - Senarıstiń, prodıýserdiń nemese rejısserdiń atynan jobaǵa avtorlyq kózqarasy orys tilinde (maks. 1 bet). Pıtchıng kezinde jobalardy halyqaralyq sarapshylar baǵalaıdy. Jeńimpazdarǵa syılyqtar beriledi. Eýrazııalyq joba naryǵynyń resmı baǵdarlamasynda bolmasa da qatysa alasyz. Is-sharaǵa kirý tegin jáne qazaqstandyq kınoındýstrııa ókilderiniń barlyǵyna ashyq (prodıýserler, dıstrıbıýterler, rejısserler, senarıster, stýdentter jáne t.b.). Eske sala keteıik, osyǵan deıingi jyldarda belgili qazaqstandyq rejısser, senarıst mır Baıǵazınniń "Jaraly perishte" atty jańa jobasy "Berlındik kınonaryq-2014" baıqaýynda nemis-franýz ARTE telearnasynyń júldesin jeńip alǵan bolatyn.

Sońǵy jańalyqtar