3 Mamyr 2018, 15:12 3543 0 Oqshantaı "Túrkistan" gazetiniń avtorlary

«Ámire» fılminde Ámire bar ma?

Jaqynda «Ámire» fılminiń tusaýy kesildi. Jurt basty róldi somdaıtyn akterdiń durys tańdalmaǵanyn aıtyp jatty. Shynynda, rejısser «Ámireni» qandaı krıterııge baılanysty tańdady eken?

Belgili bir tulǵa jóninde bıografııalyq fılm túsirgen kezde eń birinshi ustanym, buljymas ustanym – portrettik uqsastyq. Máselen, álemdik kınolardy aıtsaq, rejısser Rıchard Attenboro túsirgen «Gandı», Mılosh Formannyń Moart týraly «Amadeı», dańqty Sokýrovtyń Gıtler, Lenın, ımperator Hırohıto ómirlerin ózek etken «Moloh», «Tele», «Solne» atty fılmderindegi basty keıipkerleriniń ómirdegi keıipkerlerine uqsamaǵany bar ma? Orystardyń Esenın, Poddýbnyı týraly da dúnıeleri jaryq kórip jatyr. Stalınniń de ekrandaǵy beıneleri jeterlik! Bári óz beınesine uqsap tur! Al bizde nege olaı emes? Tipti, kórshiles myna qyrǵyz eline qaraıyqshy. Byltyr ǵana rejısser E.Abjapparov ataqty manasshy Saıaqbaı Qaralaev týraly «Saıaqbaı» atty avtobıografııalyq fılm túsirdi. Ómirdegi Saıaqbaıdan kınodaǵy beınesi aınymaıdy. Ol fılmin ult bolyp uıyǵan Qyrǵyz eli túgelge jýyq kórdi! Tulǵalary tirilip kelgendeı túregep turyp, kózderi jasqa shylanyp, tebirengen. «Saıaqbaı» fılmi shynaıylyǵy,  ulttyq qundylyqty dáriptegeni úshin Monreal Halyqaralyq kınofestıvalinde bas júldege ıe boldy. Endi bizdiń «Ámiredegi» Mustafa Shoqaıdyń beınesine nazar aýdaryńyzshy? Tarıhı sýretterde Shoqaıdyń shashy bolmaǵan dese de bolady, al kınoda shashy burqyrap júr. Al kınoda Ámireniń obrazy ashylǵan ba?  Siz ne oılaısyz, kózi qaraqty oqyrman?

Toǵjan Tólegen

Sońǵy jańalyqtar