26 Sáýir 2018, 12:07 1521 0 Bıznes Dınara MYŃJASARQYZY

Facebook úsh aıda 11,7 mlrd dollar tabys tapty

Facebook sońǵy úsh aıda jarnamadan 11,7 mlrd dollar paıda kórdi. Facebook kompanııasynyń toqsandyq satylymdary 50 paıyzǵa artty, bul jetistik sońǵy kezderi kompanııa atyna kir kelip, ý-shý bolǵanyna qaramastan oryn alyp otyr. Kompanııanyń bergen málimeti boıynsha, bıylǵy jyldyń alǵashqy úsh aıynda paıda 11,9 mlrd dollarǵa artqan. Byltyrǵy jylǵy paıda 8 mlrd dollardy quraǵan bolatyn. Bul týraly Baq.kz aqparat agenttigi VVS basylymyna silteme jasap habarlaıdy.

Kompanııanyń bas dırektory Mark ýkerberg: «Bizdiń aldymyzda mańyzdy tapsyrmalar turǵanymen, 2018 jyly bizdiń kompanııa alǵa qadam basty» dedi. Ol kompanııanyń jaýapkershilikti naqty sezinetinin atap ótti.

Facebook jarnamadan sońǵy úsh aıda 11,7 mlrd dollardyń túskenin habarlady. Byltyrǵy jyly qańtar-naýryz aılarynda bul kórsetkish 7,8 mlrd dollardy quraǵan bolatyn. Alǵashqy toqsandaǵy paıda 4,9 mlrd dollardy qurap, byltyrǵy 3 mlrd dollar kórsetkishten asyp tústi.

Naýryz aıynda Facebook kompanııasy Cambridge Analytica saıası fırmasyna qoldanýshylary týraly aqparatty satqany úshin daýǵa qalǵan bolatyn. Facebook 87 mln qoldanýshysy týraly jeke aqparattyń atalǵan kompanııaǵa ótip ketkenin moıyndady.

Naýryz aıynda kúndelikti belsendi qoldanýshylar sany 13 paıyzǵa artqan, ol 1,45 mlrd dollar paıda ákelgen. Al kompanııa jumyskerleriniń sany 48 paıyzǵa artyp, 27 742 adamdy qurady.

Sońǵy jańalyqtar