23 Sáýir 2018, 11:00 1185 0 Maqsattyń foto blogy Maqsat QUSAIYNOV

1-kýrs kýrsanttary alǵash ret parashıýtpen sekirdi

Qurlyq áskerleri Áskerı ınstıtýtynyń  desanttyq-shabyldaýylshy bólimshelerin jáne barlaý bólimshelerin basqarý mamandyǵy boıynsha bilim alyp jatqan birinshi kýrs kýrsanttary MI-17 tikushaǵynan ózderiniń alǵashqy parashıýtpen sekirýlerin oryndady.

- Kýrsanttar áýege alǵash kóteriler aldynda olarmen teorııalyq jáne jer ústi daıarlyǵy ótkizildi. Bolashaq ofıerler Qurlyq áskerleri Áskerı ınstıtýtynyń áskerı jáne arnaı barlaý kafedrasynyń tájirıbeli oqytýshylarynyń jetekshiligimen parashıýt júıeleriniń taktıkalyq-tehnıkalyq sıpattamalaryn, kúmbezdiń ashylýyna deıingi jáne ashylǵannan keıingi parashıýtshilerdiń is-qımyldaryn úıretti, jerge qoný tártibin pysyqtady. Synaq tapsyrǵannan keıin ǵana kýrsanttar sekirýge ruqsat aldy, deıdy 3 rota komandıri aǵa leıtenant Kazbek Ismaılov.

Bul joly kýrsanttar birinshi ret qarýsyz jáne jol dorbasyz sekirdi. Bolashaqta qarýmen jáne tolyq jabdyqtarymen kýrsanttar túnde, kúrdeli jergilikti jer jaǵdaıynda nemese sýǵa sekiretin bolady.

Kýrsanttarmen birge tikushaqtan 1 batalon 3 rota basqarmasy birge parashıýtpen sekirdi.

1 batalon 3 rota komandıriniń tárbıe jáne ıdeologııalyq jumystar jónindegi orynbasary aǵa leıtenant Erkebulan Narynbaevtyń aıtýy boıynsha:     - Kýrsanttar ózderimen birge bir tikushaqta parashıýtpen sekirýge daıyn komandırlerin kórgen kezde olardyń moraldyq-psıhologııalyq jaǵdaıy aıtarlyqtaı nyǵaıyp, jaý

apkershiligi artady, óz kúshterine degen senimi nyǵaıady .

Desanttaý sátti ótkenin, barlyq kýrsanttar qoıylǵan tapsyrmalardy oıdaǵydaı oryndaǵandaryn aıta ketken jón.

Otan qorǵaý isin ózde­riniń basty mamandyqtary dep biletin desantshy kýrsanttar aldaǵy ýaqyt­ta talaı belesti baǵyndyrary sózsiz.

Sońǵy jańalyqtar