13 Sáýir 2018, 18:54 1342 0 Kólik Dınara MYŃJASARQYZY

Rýhanı jańǵyrý ǵarysh salasyna da serpilis ákeledi

Oralda «Rýhanı jańǵyrý» baǵdarlamasynyń bir jyldyǵyna oraı «Eýrazııa ózen aralyǵy: bilimniń saltanat qurýy, pragmatızm jáne básekege qabilettilik» atty VII halyqaralyq ǵylymı-tájirıbelik konferenııa ótti, dep habarlaıdy QazAqparat tilshisi.

«Rýhanı jańǵyrýǵa» 1 jyl: Aqtóbe oblysynda alǵashqy qorytyndylar jasaldy «KazIITÝ» ǵylymı-bilim kesheninde ótken, eki kúnge sozylǵan  jıynda Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda atqarylatyn negizgi jumystar, qoǵamdyq sanany jańǵyrtý, jańa tehnologııalardy ekonomıkaǵa engizý máseleleri talqylandy. Konferenııaǵa qatysqan BQO ákiminiń orynbasary Ǵabıdolla Ospanqulov «Rýhanı jańǵyrý» baǵdarlamasy jalpy ǵylym aldynda turǵan maqsat-mindettermen, jas urpaqqa bilim berý máselelerimen úndesetinin jetkizdi.  Qoǵamdyq sanany jańǵyrtýda ǵylymnyń mańyzy zor.  Osy oraıda «Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha alǵash shyqqan 18 kitap pen oqýlyqtyń tanystyrylýy óńirdegi joǵary oqý oryndaryna da úlken serpilis beredi. Bir jyldyń ishinde kóptegen monografııalar, ǵylymı-zertteý eńbekter jazyldy. Memleket basshysy alǵa qoıǵan basty mindettiń biri - dúnıe júziniń aldyńǵy qatarly elderiniń qataryna qosylý úshin barlyq álemdik úzdik úlgilerdi negizge ala otyryp, ǵylym salasynda da bıik shyńdarǵa kóterile bilý qajet-aq. QR Prezıdenti janyndaǵy Qazaqstan strategııalyq zertteýler ınstıtýty áleýmettik-ekonomıkalyq zertteýler bóliminiń basshysy, áleýmettaný ǵylymdarynyń doktory, professor, QR UǴA múshe-korrespondenti Lázzat Nurqatova «Rýhanı jańǵyrý» baǵdarlamasynyń barlyq salaǵa serpilis ákelip, Qazaqstan halqy tarapynan úlken qoldaý taýyp otyrǵanyn atap ótti. Sonyń ishinde áleýmettik-ekonomıkalyq jáne gýmanıtarlyq saladaǵy 18 úzdik oqýlyqtyń qazaq tiline aýdarylýy erekshe oqıǵaǵa aınaldy. Bul qazaq jastaryn álemdik ǵylymnyń ozyq úlgilerimen tanystyrady.   «Bizdiń ınstıtýt sarapshylary júrgizgen taldaýlar nátıjesi kórsetkenindeı, qazaq tilin birtindep latyn álipbıine aýystyrý, «Jańa gýmanıtarlyq bilim. Qazaq tilindegi 100 jańa oqýlyq», «Týǵan jer», «Qazaqstannyń qasıetti jerleri», «Qazaqstannyń 100 jańa esimi» jobalaryn jurtshylyq keńinen qoldap otyr. Qazaqstanda ulttyq erekshelikterdi eskere otyryp, rýhanı jańǵyrtýdyń qolǵa alynýy tyń múmkindikterge jol ashady. Eń bastysy, qazaqstandyqtar HHI ǵasyrda qajetti kompıýterlik saýattylyq, tilderdi meńgerý, mádenı ashyqtyq sekildi sapalyq qasıetterdi meńgere bilýi tıis», dedi L.Nurqatova.   Reseılik ǵalym, M.Lomonosov atyndaǵy Máskeý memlekettik ýnıversıteti men Hıýston ýnıversıtetiniń professory Iýrıı Afonın Qazaqstan Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy mańyzdy baǵyttar qos el áriptestigin odan ári damytýǵa jol ashatynyn jetkizdi. «KazIIÝTÝ» ǵylymı-bilim kesheniniń quryltaıshysy, ǵalym, «100 jańa esim» jeńimpazdarynyń biri Aqserik Áıtimovtiń aıtýynsha, «ıfrlyq Qazaqstan» baǵdarlamasyn júzege asyrýǵa ýnıversıtetter de belsene atsalysýy tıis.  Buǵan sheteldik JOO-lardy da tartýǵa bolady. Osy oraıda konferenııa barysynda Qazaqstan ınnovaııalyq jáne telekommýnıkaııalar  ýnıversıteti men Povolje telekommýnıkaııalyq jáne aqparattyq memlekettik ýnıversıteti arasynda áriptestik týraly memorandýmǵa qol qoıyldy. «Qazirgi tańda «KazIITÝ» ǵylymı-bilim kesheni osyndaı 37 JOO-men áriptestik qarym-qatynas ornatqan. Bizdiń maqsatymyz - básekege qabiletti mamandar daıarlaý úshin ozyq jetistikterdi paıdalana bilý. Sonymen qatar osy zamanǵy talaptarǵa sáıkes jańa tehnologııalardy jetik meńgergen ǵalymdardyń basyn qosyp, tyń jobalardy júzege asyrǵymyz keledi. Mysaly, Samara-Baıqońyr baǵytynda halyqaralyq týrıstik joryqty nege qolǵa almasqa! Sondaı-aq kezinde Bókeı ordasy aýdany jeriniń bir bóligi berilgen Kapýstın Iar polgıonynda ǵaryshqa alǵashqy qadamdar jasalǵanyn umytpaýǵa tıistimiz. Jalpy, ǵarysh salasynda qazaqstandyq ǵylymdy damytýdyń múmkindikteri kóp. Jańa jobalardy qolǵa alýǵa bolady. Bizdiń osy sharamyzdy, ekinshi jaǵynan, Ǵaryshkerler kúnine oraılastyrýymyzdyń mán-mańyzy da osynda», -  dedi Aqserik Áıtimov.

Sońǵy jańalyqtar