13 Sáýir 2018, 15:22 1747 0 Zań Anar LEPESOVA

Balalaryna 300 myń teńge qaryz bolǵan azamat túrmege qamaldy

Batys Qazaqstan oblysynda tórt balasy úshin 300 myńnan astam teńge alıment tólemegen azamat tutqyndaldy. Bul týraly QazAqparat habarlady. 

BQO sotynyń baspasóz qyzmetinen túsken málimetke qaraǵanda, Tasqala aýdanynyń turǵyny tórt balasy úshin alımentti uzaq ýaqyt boıy tólemegen. Qordalanǵan qaryzdy óndirý týraly sot oryndaýshysynyń birneshe ret joldaǵan eskertpelerine qaramastan, boryshker sot aktisin oryndamaǵan. Sonyń nátıjesinde bıylǵy 1 naýryzǵa deıingi alıment bereshegi 318645 teńgege jetken.

Tasqala aýdandyq sotynda quqyq buzýshy kinásin moıyndap, turaqty jumysy bolmaǵandyqtan, sot aktisin oryndaýǵa múmkindigi joq ekendigin alǵa tartty. Sot atalǵan turǵyndy QR Ákimshilik quqyqbuzýshylyq kodeksi 669-babyna sáıkes kináli dep tanyp, ony 3 táýlik merzimge qamaý týraly qaýly shyǵardy. Qaýly zańdy kúshine engen joq.

 

Sońǵy jańalyqtar