12 Sáýir 2018, 21:57 1726 0 Qaýipsizdik Anar LEPESOVA

Tegin saǵyz taratam dep basy daýǵa qaldy

Shymkentte saǵyzdan ýlanǵan balalar týraly jalǵan aqparat taratýshylarǵa qatysty tergeý sharalary júrgizilýde. Bul týraly búgin qalalyq ákimdiktiń baspasóz hatshysy Áıgerim Jumaǵulova málim etti, dep habarlaıdy  QazAqparat.

Áıgerim Jumaǵulovanyń sózinshe, áleýmettik jelilerde jáne WhatsApp messendjerinde balalardyń ýlanǵany týraly shyndyqqa janaspaıtyn aqparat taraǵan. Atap aıtsaq, «Qaladaǵy mektepterde oqýshylarǵa belgisiz jastar "Bıbo" dep atalatyn saǵyz taratyp, saldarynan balalar ýlanǵan. Oqıǵa 1,7,47,80,87-mektepterde bolǵan. Ata-analardy balalaryna muqııat bolýǵa shaqyryp, bóten adamnan saǵyz, táttiler almaýdy eskertken. Balalar esterinen tanyp, esirtkilik zatqa ýlanyp qalǵan, jedel járdem shaqyryldy», degen mátinde habarlama tarap jatyr.

Osy habarlama taraǵannan keıin oqıǵa ornyna qalalyq bilim bóliminiń, oblystyq densaýlyq saqtaý basqarmasynyń basshylary, ishki ister qyzmetkerlerimen birge atalǵan mektepterge barǵan. Alaıda, ol jerlerde ýlaný jaıty anyqtalmaǵan. Barlyq oqýshy sabaqtarynda bolǵany, olardyń ata-analary  balalarynyń ýlanbaǵanyn jetkizgen. Qazir ákimdik tarapynan jalǵan habarlama taratqandar anyqtalýda. Biraq, málim etilgendeı, mektepterdiń aýlalarynda "Bıbo" saǵyzdary rasymen de taratylǵan.

«Saǵyz taratqan kompanııanyń adamdary anyqtaldy. Olardyń barlyǵy "NURTAU Distribution company" kompanııasynyń qyzmetkerleri. Kompanııanyń "Bıbo" markaly saǵyz ben kámpıtterine saı barlyq sertıfıkattary bar. Mektep oqýshylaryna saǵyz taratyp, ózderiniń mereıtoılaryn atap ótpek bolǵan. Qazir quqyq qorǵaý organdary tergeý amaldaryn júrgizýde», - deıdi Áıgerim Jumaǵulova.

 

Sońǵy jańalyqtar