11 Sáýir 2018, 16:03 1572 0 Qaýipsizdik Anar LEPESOVA

ýkerberg Reseıdiń AQSh-taǵy saılaýǵa qalaı kılikkenin aıtyp berdi

Facebook kompanııasynyń basshysy Mark ýkerberg Reseı qoldaıtyn jáne áleýmettik jelini saılaýda túrli aıla-sharǵy jasap, qoǵamdyq pikirge yqpal etýge qoldanǵysy keletin toptarǵa batyl qarsy turatynyn málimdedi. 33 jastaǵy ınternet-magnat bul týraly 11 sáýirde AQSh Senatynda ótken tyńdaýda aıtty, dep habarlaıdy centralasian.org.

Senatorlar ýkerbergke áleýmettik jeliniń AQSh-taǵy prezıdent saılaýyna syrttan yqpal etýge qoldanylǵany, jeke hat-habar almasý qupııasy men qoldanýshylardyń jeke málimeti týraly qupııanyń buzylǵany týraly suraqtar qoıdy.

ýkerberg Cambridge Analytica kompanııasynyń AQSh-taǵy prezıdent saılaýy nátıjesine yqpal etý úshin 87 mıllıon qoldanýshynyń jeke málimetterin jınaý áreketine tosqaýyl qoıa almaǵanyna jaýapty ekenin málimdedi.

Ol sonymen qatar jalǵan aqparatqa, sheteldiń kıligýine jáne jelide "jekkórýshilik sıpatyndaǵy sózderdiń" paıda bolýyna qarsy jetkilikti is-sharalar qoldanbaǵanyn moıyndady.

Kongreste sóılegen ýkerberg "Reseıde bizdiń júıemizdi jáne basqa da ınternet júıelerin paıdalanýǵa tyrysatyn adamdar bar" dedi. ýkerberg muny "qarýlaný básekesi" dep atap, saılaý kampanııasyna syrttan yqpal etýge qarsy turý úshin Facebook-ti kúsheıtýdiń mańyzdy ekenin aıtty.

Facebook basshysy "2016 jyly AQSh-taǵy prezıdent saılaýy ýaǵynda reseılik aqparattyq operaııalardyń baıaý áshkerelengeni" eń úlken ókinish bolǵanyn aıtty. "Biz áýel basta áshkerelengen dástúrli kıbershabýyl jaǵdaıynda jumys isteýge daıyn boldyq. Biraq jańa aqparattyq operaııalardy jedel ańǵara almadyq" dedi Mark ýkerberg.

Ol sonymen qatar osy jyldyń sońyna deıin aqparattyq qaýipsizdik jáne kontent-analız qyzmetkerleriniń sanyn 20 myńǵa deıin arttyrý jospary baryn habarlady. ýkerbergtiń aıtýynsha, Facebook endigi jalǵan akkaýnttardy tanı alatyn jańa jasandy ıntellekt quraldaryn qoldana bastaǵan.

Mark ýkerbergtiń sózinshe, Facebook Reseı men AQSh-tyń qazirgi prezıdenti Donald Tramptyń saılaý kampanııasy qyzmetkerleriniń arasyndaǵy baılanysty tekserip jatqan arnaıy prokýror Robert Mıýllermen yntymaqtastyq ornatqan.

Sońǵy jańalyqtar