10 Naýryz 2018, 19:37 2241 0 Bilim Túrkistan Gazeti

Analarǵa aqjarma tilek aqtarylǵan kún

 Kóktem merekesiniń qaı kezde de orny bólek. Olaı bolatyny, analarǵa  degen ystyq sezim, alǵys  pen qurmet eshqashan sónbek emes. Olar - ómirdiń  gúli, kóńildiń jyry, ár otbasynyń altyn dińgegi.

Ana – árbir adamnyń jaryq dúnıedegi eń jaqyny, janashyry, qadirlisi, qamqorshysy aq sútin berip aıalaǵan janyn da aıamaǵan ardaqtysy.
Kez kelgen adamnyń ádeptiligi men jan dúnıeniń sulýlyǵy, eń aldymen balaǵa aq sútin berip, álpeshtep ósirgen ana júreginiń jylýynan bastalady. Bala boıyndaǵy eń jaqsy qasıetter aldymen anadan taraıdy.

Balasy úshin anasy barmaıtyn qurbandyq bar ma? Ana bolý – búkil ómirine ketetin uly rýhanı kúsh pen eren eńbek. Óz balasyn baǵyp qaǵýda, ol ana ózin-ózi umytyp barlyq kúsh jigerin sarqa jumsaıdy.

Al balanyń anaǵa degen mahabbaty jetkiliksiz. Ony barynsha qurmettep, syılaý árbir balanyń paryzy. Keıbir balalar arasynda, óz ata-anasyn jóndep syılamaıtyn, eńbeginiń qadirin bilmeıtin, aıtqan tilin almaıtyn balalar da kezdesip qalady. Ylaıym   balalardyń tárbıesi adam qyzyǵarlyqtaı bolyp óse berse  eken degen  jáne  8 naýryz – Halyqaralyq áıelder kúni merekesine oraı ár anaǵa qýanysh syılaý maqsatynda  Almaty qalasyndaǵy Gúlnar Shahmetqyzy basqaratyn № 109 jalpy bilim beretin mekteptiń  1 «G» synybynyda «Ana – gúl, ana – ómir shýaǵy»  atty merekelik kesh uıymdastyryldy.

Balanyń anaǵa degen  qurmetti nasıhattaıtyn sharaǵa mektep basshylary, uatazdar men analar qatysty. Túrli – tústi shar, gúldermen bezendirilgen sahna  mereke ıeleriniń kóńil kúıin kótere tústi.

Ananyń kózinen nur tógilip, jan-jaǵyna shýaǵyn tógedi. Osy shýaqpen jylynyp, asyl ananyń qushaǵynda meıir alyp júrgen balalar – altyn analaryn qasterlep, eńbegin baǵalap ,bar ónerlerin  ortaǵa saldy.

Analaryn aspandaǵy aı men kúnge, jaryq juldyzǵa, baǵa jetpes  asyl zattarǵa teńegen taqpaqtary men jyrlaryn tartý etti. Ana týraly án men kóńildi bı, sahnalyq kórinisteri de keshtiń kórkin qyzdyra tústi. Olardyń ishinde Kaımbek Sanjar, Nurlan Aqerke, Sadykova Amına, Batkeev Janaıdar, Kojabek Aısha, Tleshov Aıken, Abdýljan Aqerke, Omar Nuraı, Murat Anel, Bekturǵan Alýa, Ǵanıuly Baýyrjan, Janysbek Dııar,Tursynhan Saıat erekshe ónerlerimen kózge túsip, kórermen qaýymdy tánti etti.

Kesh sońynda balalar analaryna degen alǵysy retinde syıǵa  óz qoldarynan jasaǵan gúl shoqtaryn  tabys etti. Kóktemniń  shýaqty merekesi  qarsańyndaǵy uıymdastyrylǵan osy kesh analar qaýymyna erekshe qýanysh pen shattyq syılady.

 

                                                                            Turar Iýsýpova,

        № 109 jalpy bilim beretin mekteptiń bastaýysh synyp muǵalimi

 

 

 

Sońǵy jańalyqtar