26 Qyrkúıek 2017, 15:57 1697 0 Qoǵam Dınara MYŃJASARQYZY

Baspanaǵa muqtajdar jańa portal arqyly páter tańdaı alady

«Turǵyn úı qurylys jınaq banki» AQ jańa BASPANA.KZ jyljymaıtyn múlik portalynyń tusaýyn kesti, dep habarlaıdy QazAqparat tilshisi.

Endi bank klıentteri jańa portal arqyly memlekettik baǵdarlamalar boıynsha aldyn-ala páter tańdaı alady. Aqparattyq resýrs turǵyn úıdi bólý proesiniń ashyq jáne aıqyn bolýyn qamtamasyz etedi. Portal bank klıentterin, qurylys kompanııalaryn jáne memlekettik organdardy biryńǵaı málimetter bazasy bar platformada biriktirip otyr. «Biz salymshynyń memlekettik baǵdarlamaǵa qatysý barysynda júrip ótetin jolyn taldap-saralap, ol joldy barynsha ońtaılandyrýǵa, avtomattandyrýǵa tyrystyq. Portalda salymshylar ózderi qyzyǵýshylyq tanytqan qurylys nysanyn tańdap, memlekettik baǵdarlamaǵa qatysýǵa ótinim berip, turǵyn úıdi bólistirý proedýrasynan ótip, unatqan páterin tańdaı alady. Sharshy metrlerdi satý proesi bastan-aıaq ashyq jáne aıqyn júredi», - dedi «Turǵyn úı qurylys jınaq banki» AQ basqarma tóraıymy Lázzat Ibragımova. 2005 jyldan beri «Turǵyn úı qurylys jınaq banki» turǵyn úı qurylysy salasyndaǵy Respýblıkanyń barlyq aımaqtaryn qamtıtyn iri memlekettik baǵdarlamalarǵa operator bolyp keledi. Qazirgi ýaqytta Turǵyn úı qurylys jınaq bankinde ashylǵan salymdar sany mıllıonǵa jýyqtap qaldy. Al árbir úshinshi salymshy memlekettik baǵdarlama aıasynda baspanaly bolýdy josparlap otyr. Tek osy jyldyń sońyna deıin TÚQJB salymshylary arasynda saýdaǵa shyǵarý úshin memlekettik baǵdarlamalar boıynsha 12 myńdaı páter paıdalanýǵa berilmek. Jańa portalda salymshy turǵyn úı nysanyn tańdap, osy nysannan páter alý úshin birden ótinim bere alady. «Iaǵnı siz áli de qajet somany jınap júrsiz, biraq, osyǵan qaramastan, dál osy sátte memlekettik baǵdarlama aıasynda alǵyńyz kelgen naqty bir páterdi aldyn-ala «brondap» qoıa alasyz», - dep túsindirdi Lázzat Ibragımova. Búgingi kúni 240 myńǵa jýyq bank klıentteri «Turǵyn úı qurylys jınaq banki 24» ınternet-bankıngin paıdalanady. Endi osy ınternet-bankıngtiń barlyq qoldanýshylary avtomatty túrde BASPANA.KZ saıtynyń da qoldanýshysy atandy. Portalmen jumys isteý úshin olarǵa ınternet-bankıngtegi jeke málimetterin paıdalanyp, saıtqa biraq ret kirý jetkilikti bolmaq. Jekemenshik qurylys kompanııalary  ózderi salyp bitken nemese salyp jatqan  turǵyn úıdi TÚQJB salymshylary arasynda satý úshin Turǵyn úı qurylys jınaq bankine ótinimdi osy jańa jyljymaıtyn múlik portaly arqyly bere alady. Al salymshylar jekemenshik qurylys ıesiniń qandaı da bir nysany qanshalyqty qyzyqty bolatynyn ózderi sheshedi. Osynyń arqasynda qurylys júrgizýshi yqtımal klıentteriniń tilek-qalaýy týraly aqparatqa jyldam qol jetkizedi. Nysanǵa degen suranys tómen bolyp jatsa, qurylys kompanııalary qosymsha sharalar qoldanyp, satý talaptaryn jaqsarta alady. Bank basshylyǵy «BASPANA.kz» arqyly «Óz úıim» sekildi banktiń jeke baǵdarlamalary aıasynda turǵyn úı satýdy josparlap otyr.

Sońǵy jańalyqtar