14 Sáýir 2015, 12:45 1927 0 Saıasat Ásel ÁNÝARBEK

Serik Ahmetovtiń qamaý merzimi taǵy da uzartyldy

Qazaqstan Respýblıkasynyń burynǵy premer-mınıstri Serik Ahmetov úı qamaýynda otyrǵany belgili. Endi Qaraǵandy oblystyq soty Serik Ahmetovti úı qamaǵyna alý merzimin 2015 jyldyń 18 mamyryna deıin uzartypty.
Eks-premerdiń úı qamaǵynda otyrý merzimin uzartý týraly ótinish Qazybek aýdandyq sotynda qaralǵan. Sondaı-aq, 13 sáýirde Qaraǵandydaǵy Qazybek aýdandyq sotynyń sheshimi boıynsha, Qaraǵandynyń burynǵy ákimi Meıram Smaǵulovtyń, «Qaraǵandy qalasynyń jer qatynastary bóliminiń» burynǵy basshysy Ernar Dáribekovtiń úı qamaýyndaǵy merzimi 16 mamyrǵa deıin, al «Qazaqstan ónerkásip korporaııasy» dırektorynyń burynǵy orynbasary Áljan Aqmoldaevtyń merzimi 20 mamyrǵa deıin uzartyldy.
Aıta keteıik, Serik Ahmetov asa iri kólemde páre aldy, asa iri kólemde bıýdjet qarjysyn jymqyrdy, laýazymyn asyra paıdalandy jáne kásipkerlik qyzmetke zańsyz aralasty dep aıyptalǵan. Serik Ahmetov 2014 jyldyń qarashasynda úı qamaǵyna alynǵan bolatyn. odan keıin sot sheshimi boıynsha qamaý merzimi 18 aqpannan 18 sáýirge deıin uzartylǵan edi.

Sońǵy jańalyqtar