13 Sáýir 2015, 10:18 2711 0 Saıasat Názııa JOIaMERGENQYZY

Kásipkerler: Árkimniń daýysy mańyzdy

Aldaǵy saılaýda azamattar saıası turǵyda belsendi bolǵanyn qalaıtyn Syr boıynyń kásipkerleri arnaıy sharaǵa belsene atsalysýda.

Ulttyq kásipkerler palatasy uıymdastyrǵan «Árkimniń daýysy mańyzdy. Saılaý-2015» atty sharaǵa Syr óńirindegi otandyq taýar óndirýshiler de belsene atsalysyp jatyr. Atalǵan sharany alǵashqylardyń biri bolyp quptaǵan «Abzal jáne K» seriktestigiń ókilderi elimizdegi saıası mańyzy zor naýqanǵa azamattardy osylaı shaqyrýda.

Otandyq jáne álemdik naryqta 20 jyldan astam ýaqyttan beri tájirıbe jınaqtap, qazaqstandyq óndiristi damytýǵa qomaqty úles qosyp kele jatqan «Abzal ı K» seriktestigi shyǵaratyn ónimniń 70 paıyzy ishki naryqtaǵy tutynýshylyq suranysty qamtamasyz etýge baǵyttalsa, qalǵan 30 paıyzy alys-jaqyn shet elderge eksporttalady. Sharany qoldaý maqsatynda ónimderdiń syrtyna «Árkimniń daýysy mańyzdy!» dep jazylǵan arnaıy japsyrmalardy japsyrýdy qolǵa alǵan seriktestiktiń basshysy Abzal Erálıev: «Qoǵamdaǵy bizdiń saıası ómirimizdiń eń mańyzdy sharasy – aldaǵy merziminen buryn ótkizilgeli jatqan prezıdenttik saılaý. El men halyqtyń damýyna yqpal etetin osy naýqanǵa Qazaqstan azamattary túgel qatyssyn degen nıetpen, «Árkimniń daýysy mańyzdy» degen sharany qoldap otyrmyz. «Halyq bir jaǵadan bas, bir jeńnen qol shyǵaryp», saılaýdyń ádil de laıyqty ótýine atsalysqany jón», – deıdi.

Ulttyq kásipkerler palatasy bastaǵan «Árkimniń daýysy mańyzdy!» atty saılaýaldy keń aýqymdy akparattyq naýqannyń basty maqsaty – árbir azamat aldaǵy prezıdenttik saılaýyna qatysyp, óz azamattyq ustanymyn bildirýdiń mańyzdylyǵyn jetkizý. Akııa barysynda «Árkimniń daýysy mańyzdy!» degen jazýlary bar japsyrmalar barlyq otandyq ónimge japsyrylady. Sonymen qatar Qazaqstandaǵy barlyq saýda ortalyqtarynda, qoǵamdyq oryndar men kólikterge kásipkerlerdiń prezıdenttik saılaýǵa qatysýǵa shaqyratyn emblemalary bar kúntizbeler ilinedi. QR UKP Basqarma tóraǵasynyń orynbasary Nurjan Áltaev: «Qazir on myńnan astam osyndaı kúntizbeler shyǵarylyp otyr. Bul akııany ótkizýdiń sebebi kásipkerler, bizdiń palata músheleri jan-jaqtan, óńirlerden osyndaı usynyspen shyǵarylady», – dep málimdedi.

Sońǵy jańalyqtar