24 Qarasha 2016, 23:01 3780 0 Qoǵam Aqnıet OSPANBAI

Turǵyn úı qurylys jınaq banki jelidegi vıdeoǵa qatysty pikir bildirdi

Turǵyn úı qurylys jınaq banki advokattyń jelide taratqan vıdeosyna qatysty pikir bildirdi, dep habarlaıdy Tengrinews.kz.

 Áleýmettik jelilerde jáne messendjerlerde zańgerdiń TÚQJB-ny aıyptaǵan vıdeosy taraǵan bolatyn. "Turǵyn úı qurylys jınaq bankiniń kelisimsharty qolyma tústi, sumdyq jaǵdaı. TÚQJB-de azamattar óz qarajattaryn kóp jyl boıy jınaıdy, sosyn olarǵa ózderi jınaǵan qarajattyń somasynda 100 paıyz kredıt beredi. Bul jaǵdaıda boryshker 16,5 mıllıon teńge jınaǵan jáne bank oǵan 16,5 mıllıon teńge ústinen berdi. Iaǵnı ol 33 mıllıon teńge alady, biraq qaryz alý týraly kelisimshart 10 jylǵa 33 mıllıon teńgege esepteledi. Paıyz boryshkerdiń óz qarajatyna da salynady. Qaryzdy aı saıynǵy tóleý kestesine qarasaq - birinshi úsh jylda syıaqy jabylyp otyrady, negizgi qaryzdyń bir tıyny da jabylmaıdy. Bul óte aram pıǵyldy kelisimshart, boryshkerdi qaqpanǵa túsiredi", - deıdi vıdeoda zańger Zoıa Ábildına (Narymbaeva).

Al banktiń baspasóz hatshysy Aıbar Oljaevtyń aıtýynsha, bank klıentiniń ózi jınaǵan qarajatyna da paıyz esepteledi degen málimdeme jasaǵan zańgerdiń málimeti shyndyqqa janaspaıdy.

"Klıent "Turǵyn úı qurylys jınaq bankinde" 2008 jyldyń 17 naýryzynda esep ashqan, al 2008 jyldyń 21 sáýirinde aralyq turǵyn úı qaryzy boıynsha kredıt berilip qoıǵan. Túsindirip aıtar bolsaq, klıent bankte qarajat jınaǵan joq, sebebi kredıt berilgen kezde onyń depozıtiniń ashylǵanyna bir ǵana aı bolǵan. (...) Klıent jyldyq mólsherlemesi 5 paıyzben beriletin turǵyn úı qaryzyn alý boıynsha shartty oryndamaǵanyn bastapqyda-aq bilgen. Iaǵnı jınaqtaý merzimi men tólemderdiń rettiligi saqtalmaǵan. Osyǵan baılanysty klıent "Jeńil" baǵdarlamasy boıynsha aralyq qaryz alýǵa nıet bildirdi", - delingen resmı saýalǵa berilgen jaýapta.

TÚQJB málimetinshe, aralyq turǵyn úı qaryzy birneshe jyl boıy qarajat jınaýǵa múmkindigi joq, biraq qajetti somanyń 50 paıyz qarajaty barlarǵa beriledi. Bul 50 paıyz qarajatty boryshker jınaq esepshotyna salady, bul qarajat kepil bolyp sanalady jáne kredıt berilgende esepke alynbaıdy. Munyń ornyna bank 7,5-ten 8,5 paıyzǵa deıingi mólsherlemede 100 paıyz somada qaryz beredi. Banktiń syıaqysy berilgen 100 paıyz qarajatqa esepteledi. Al salymshy jınap, depozıtke salǵan 50 paıyz soma sol esepshotta qalady, sóıtip, úsh jyl boıynda oǵan banktiń syıaqysy men memlekettiń syıaqysy qosylady. Úsh jyl ótkennen keıin depozıtte jatqan 50 paıyz jınaq aqsha aralyq qaryzdy jabýǵa jumsalady, al klıent turǵyn úı qaryzyna ótedi, onyń jyldyq mólsherlemesi 3,5-5 paıyz aralyǵynda.

"Klıentke qatysty aıtar bolsaq, boryshker 2008 jyldyń sáýirinde 33 290 000 teńge kóleminde qaryz alyp, sol jyldyń shildesinen bastap kredıt boıynsha tólem jasamaı qoıdy. Bank sotqa júginýdiń aldynda restrýktýrızaııa usyndy, biraq boryshker budan bas tartty. Bank 2009 jyldyń 5 mamyrynda sotqa aryz túsirdi, sóıtip, 2009 jyldyń 14 shildesinje sottyń sheshimimen "Qazaqstannyń turǵyn úı qurylys jınaq banki" AQ-nyń boryshkerder qaryzdy óndirý týraly shaǵym talaby qanaǵattandyryldy", - dep habarlady banktegiler.

 

Sońǵy jańalyqtar