27 Qyrkúıek, 10:37 837 0 Jańalyqtar Asyl TUMAR

Polıııa Balalar úıinen qashyp ketken jetkinshekterge izdeý salady

Batys Qazaqstan oblysynda balalar aýylynyń eki tárbıelenýshisi joǵalyp ketti, – dep habarlaıdy oblystyq polıııa departamenti.

25 qyrkúıek kúni Oral qalasy Zachagan kentiniń polıııa kezekshi bólimine oblystyq balalar aýylynyń basshylyǵy shaǵymdanyp kelgen.

Kámelet jasyna tolmaǵan eki jetkinshek aýyldan qashyp ketken. Olar – 2005 jyly 19 mamyrda týǵan Sergeı Taıshev jáne 2006 jyly 10 qyrkúıekte dúnıege kelgen Ilıa Shkanov.

Sergeıdiń boıy – 160-165 sm, shashynyń túsi – aqshyl sary. Ústinde qara tústi sport jeıdesi, kókshil fýtbolka, kók djınsy, aıaǵynda qara kross bolǵan. Ilıanyń boıy – 158-160 sm, aryqsha kelgen, kóziniń túsi – qara, shashy qysqa qyrqylǵan, qara tústi. Ústinde aq kóılek, kúńgirt kók tústi shalbar, qara týflı bolǵan.

Olar 24 qyrkúıek tańǵy saǵat 10:00 shamasynda Oral qalasyndaǵy balalar aýylynan shyǵyp ketkennen qaıtyp oralmaǵan.

Balalar jaıly qandaı da bir málimet biletin jandar myna nómirler arqyly Oral qalalyq polıııa bólimine habarlasa alady: (8-7112) 21-17-19, 28-33-96, 92-18-04, 98-44-53 nemese 102.

 

Sońǵy jańalyqtar