26 Qyrkúıek, 18:42 506 0 Nur Otan Asqar Axmetqazy

«Nur Otan»-nyń Partııalyq baqylaý komıteti praımerız ótkizý kezinde partııalyqtardyń derekterin burmalaý maqsatyndaǵy árekettiń jolyn kesti

Qazaqstan Respýblıkasynyń Tuńǵysh Prezıdenti – Elbasy, «Nur Otan» partııasynyń Tóraǵasy N.Á. Nazarbaevtyń praımerız ótkizý proesiniń aıqyndyǵyn qamtamasyz etý jáne barlyq qatysýshyǵa teń jaǵdaı jasaý jónindegi tapsyrmasyn oryndaý maqsatynda Partııalyq baqylaý komıteti partııalyqtardyń derekterin «Nur Otan» músheleriniń Ortalyq esepke alý derekter bazasyndaǵy aqparatpen salystyryp tekserýdi bastady.

Tekseris Nur-Sultan qalasy Almaty aýdandyq fılıalynda jáne Baıqońyr aýdanyndaǵy «Azııa entr Snab» JShS-ndegi bastaýysh uıymynda jappaı burmalaýshylyqtardy anyqtady.

Mysaly, Almaty aýdandyq fılıaly 2020 jylǵy 23-24 qyrkúıekte «Nur Otan»-nyń derekter bazasynda
1221 partııalyqtyń mobıldi telefon nómirlerin aýystyrǵan. Engizilgen nómirlerdiń basqa adamdarǵa tıesili ekendigi aıqyndaldy.

Atalǵan bastaýysh uıymynda partııa Jarǵysyn jáne partııaǵa múshelikke qabyldaý tártibi týraly nusqaýlyqty buzý faktileri anyqtaldy. Atap aıtqanda, JShS qyzmetkeri dep málimdenip, qyrkúıekte qabyldanǵan BPU-nyń 3 116 múshesiniń basym bóligi basqa uıymdarda, tipti basqa óńirlerde jumys isteıdi. Qońyraý shalý barysynda olardyń kópshiligi ózderiniń partııa múshesi ekenin bilmeıtindikteri belgili boldy, nómirlerdiń kópshiligi basqa nómirge silteıdi, al telefonǵa bir adam jaýap beredi.

Partııa fılıalynyń basshylyǵy jáne Nur-Sultan qalasy boıynsha Praımerız ótkizý jónindegi uıymdastyrý komıteti Partııalyq baqylaý komıtetiniń usynymyn basshylyqqa ala otyryp, joǵaryda atalǵan faktiler boıynsha kelesi sheshimder qabyldady.

Partııanyń Almaty aýdandyq fılıaly tóraǵasynyń birinshi orynbasary M.Bolysbek praımerız kandıdaty retinde tirkeýden alynyp tastalsyn jáne oǵan qatań sógis jarııalansyn. Sonymen bir mezette qalalyq fılıal qosymsha tekseris júrgizsin jáne derekter bazasyna búkil partııalyqtar boıynsha durys derekter engizsin.

«TOO Azııa entr Snab» BPU taratylyp, jańadan qabyldanǵan 3116 múshe partııadan shyǵarylsyn. BPU basshysy Ý.Alıev pen partııa múshesi D.Perneev praımerızge kandıdat retinde tirkeýden shyǵarylsyn.

Praımerız ótkizý boıynsha Ortalyq uıymdastyrý komıteti «Nur Otan» partııasynyń partııaishilik saılaýdyń barlyq qatysýshysy úshin birdeı quqyq berýdi jaqtaıtynyn atap kórsetti. Praımerız jeńimpazdary túbegeıli ádil jáne básekeles daýys berý qorytyndysy boıynsha anyqtalýy tıis. Partııalyqtardy daýys berý quqyǵynan aıyrýǵa eshkimniń de qaqysy joq.

Praımerız ótkizý erejesin qandaı da bir buzýshylyq boıynsha 8 (800) 080 4441 jedel jelisine (qońyraý shalý tegin) nemese komek@nurotan.kz elektrondy pochtasy boıynsha habarlasýǵa bolady. Kelip túsken barlyq aryzdy Partııalyq baqylaý komıteti jan-jaqty qarastyrady. Kinálilerge partııadan shyǵarýǵa deıin barynsha qatań shara qoldanylatyn bolady.

Sońǵy jańalyqtar