25 Qyrkúıek, 14:04 453 0 Jańalyqtar Asyl TUMAR

Shyǵys Qazaqstan oblysynda qar jaýdy

Búgin túnde Shyǵys Qazaqstan oblysyndaǵy Katonqaraǵaı, Kúrshim aýdandary men Rıdder qalasynyń mańyna qar jaýdy. Kýágerler áleýmettik jelilerde qar basqan joldardyń vıdeolary men fotosýretterin jarııalaýda.

tvoi_vko.kz ınstagram paraqshasyna salynǵan vıdeo avtorynyń aıtýynsha, Marqakól qoryǵynyń aýmaǵyndaǵy Uranhaı aýylynda tańerteń qar 12 santımetrge jetken. Sondaı-aq Rıdder qalasynyń mańyndaǵy taýǵa, jol men shyrshalarǵa qar túsken.

«Qazgıdromet» RMK bul aqparatty rastap, Shyǵys Qazaqstannyń taýly aımaqtary úshin bul ádettegi qubylys ekenin jetkizdi.

«Bizdiń meteorologııalyq stanııalar tek Marqakól qoryǵynyń aýmaǵynda qar jaýǵanyn kórsetti. Biraq Katonqaraǵaı, Kúrshim aýdandary jáne Rıdder qalasy mańyndaǵy taýly jerlerde qar túsken. Qar mólsherin naqty ataı almaımyn, óıtkeni taýda meteorologııalyq stanııa joq», – dedi «Qazgıdromet «RMK sınoptıgi Dınara Jylybaeva.

Sarapshynyń aıtýynsha, taıaý kúnderi Shyǵys Qazaqstan oblysynda aýa raıy sýytady. Boljamǵa sáıkes, óńirde temperatýranyń tómendeýi jáne jeldiń kúsheıýi kútilýde.

 

Sońǵy jańalyqtar