24 Qyrkúıek, 18:44 426 0 Bilim Anar LEPESOVA

Elimizdiń úzdik ustazdary anyqtalady

«Úzdik pedagog» ataǵyn berý boıynsha Respýblıkalyq konkýrstyq komıssııa jumysyn bastady. Bul týraly QR Bilim jáne ǵylym vıe-mınıstri Sholpan Karınova Facebook-tegi jeke paraqshasynda jazdy.

Bıyl «Úzdik pedagog» konkýrsynyń respýblıkalyq kezeńine 144 pedagog ótinim berdi. Onyń ishinde: mektepke deıingi jáne orta bilim boıynsha – 109, tehnıkalyq jáne kásiptik bilim boıynsha – 35.

«Úzdik pedagog» ataǵynyń ıegerlerin anyqtaıtyn Konkýrstyq komıssııa quramynda Nur-Sultan qalasynyń ata-analar komıtetiniń tóraıymy, «Kazakhstan Parents Union» qoǵamdyq qorynyń tóraǵasy, Qoǵamdyq mańyzdy bastamalar qorynyń «Álem muǵalimi – Qazaqstanda» jobasynyń úılestirýshisi, «ADAL BILIM» sybaılas jemqorlyqqa qarsy is-qımyl jónindegi Jobalyq ofısiniń sarapshylary, «Serpin» Ulttyq bilim jáne ınnovaııa palatasynyń dırektory, «Atameken» QR UKP ókilderi, sondaı-aq buqaralyq aqparat quraldarynyń basshylary, kásipodaq, memlekettik jáne basqa da qoǵamdyq uıymdardyń ókilderi bar.

«Muǵalimder kúni qarsańynda Konkýrs nátıjesi shyǵarylyp, elimizdiń úzdik pedagogteri anyqtalady», – dedi vıe-mınıstr.

9 jyl ishinde «Úzdik pedagog» konkýrsynyń jeńimpazdary bolǵan mektepke deıingi jáne orta bilim, tehnıkalyq jáne kásiptik bilim júıesiniń 432 pedagogine 1000 AEK aqshalaı syıaqy berilgenin aıta ketken jón.

 

Sońǵy jańalyqtar