24 Qyrkúıek, 17:34 466 0 Aımaq Anar LEPESOVA

Qus tumaýy: 7 oblysta 220 myńnan astam qus qyryldy

Elimizdiń taǵy eki óńirinde qus tumaýy tirkeldi. Kesel taraǵan oblystardyń sany jetige jetti. 

Aýyl sharýashylyǵy mınıstrliginiń dereginshe, Aqmola oblysynda – 703 qus, Jambyl oblysynda – 238 qus (sońǵy táýlikte 6 qus), Qaraǵandy oblysynda – 102 qus (sońǵy táýlikte 12 qus), Qostanaı oblysynda – 111 785, Pavlodar oblysynda  – 2 753 qus, Soltústik Qazaqstan oblysynda  – 107 655, Túrkistan oblysynda 273 qus (sońǵy táýlikte 196) qyrylǵan. Barlyǵy jeke aýlalarda 20 myń qus jáne  eki qus fabrıkasynda 203 myń qus qyrylǵany belgili boldy(«Beskól qus fabrıkasy» JShS – 93 849 bas, «Agroınterptıa» – 109 567 bas). 

Janýarlardyń asa qaýipti aýrýlarynyń aldyn alý boıynsha 2020 jylǵa bekitilgen veterınarııalyq is-sharalar josparyna sáıkes, jyl basynan beri el óńirlerine qus tumaýyna qarsy vakınalardyń 3 377 900 dozasy taratylǵan. Qus tumaýynyń tirkelýine baılanysty respýblıkalyq qordan qosymsha 1 359 148 doza vakına bólindi (SQO - 873 myń doza, Qostanaı oblysyna – 21 myń, Pavlodar oblysy – 465 myń doza) bólindi. Sondaı-aq, 2020 jyldyń 22-23 qyrkúıeginde kesel anyqtalǵan aımaqtarǵa qosymsha 1 015 518 vakına berildi.

Eske sala keteıik, buǵan deıin Qostanaı oblysynda úsh aýdan qus tumaýynyń taralýyna baılanysty karantınge jabylǵanyn habarlaǵanbyz. Atap aıtqanda, , Sarykól, Uzynkól jáne Meńdiqara aýdandarynda qustar qyrylýda.

Aýyl sharýashylyǵy mınıstrliginiń málimdeýinshe, elimizde qus tumaýyn soltústikten ońtústikke kóship bara jatqan jabaıy qustar órshitken. Aýrý ortaq sý qoımasyn paıdalanýdan kelgen.

Sońǵy jańalyqtar