24 Qyrkúıek, 17:11 3039 0 Qaýipsizdik Anar LEPESOVA

Ulttyq ulan Bas qolbasshysynyń orynbasary taǵaıyndaldy

Ulttyq ulan Bas qolbasshysynyń tárbıe jáne áleýmettik-quqyqtyq ister boıynsha orynbasary bolyp general-maıor Álibek Seralıev taǵaıyndaldy.

Joǵary rangtaǵy ofıerdi Ulttyq ulannyń jeke quramyna Ishki ister mınıstri Erlan Turǵymbaev tanystyrdy. Mınıstr Álibek Bolatuly quqyq qorǵaý salasyndaǵy basqarýshylyq bólikte úlken tájirıbege ıe ekenin, óz isin abyroımen atqaratynyna senim bildirdi.

Álibek Bolatuly Seralıev 1961 jyly dúnıege kelgen. Lenıngradtaǵy SSSR IIM joǵary saıası ýchılıesin jáne Qaraǵandy qalasyndaǵy QR IIM mektebin, Belarýs Respýblıkasynyń Áskerı akademııasynyń Bas shtabynyń fakýltetin bitirgen. Saıası laýazymdarda bolǵan.

2004 jyldan bastap 2008 jylǵa deıin QR IIM Ishki ásker qolbasshysynyń tárbıe jáne áleýmettik-quqyqtyq jumysy boıynsha orynbasary qyzmetin atqarǵan. 2013 jyldyń mamyrynan bastap Ulttyq ulannyń «Ońtústik» jáne «Batys» qolbasshylyǵyn basqarǵan.

 

Sońǵy jańalyqtar