24 Qyrkúıek, 12:48 854 0 Zań Anar LEPESOVA

Bas prokýratýra shetel túrmelerindegi qazaqstandyqtardyń sanyn jarııalady

Shetel túrmelerinde 735 qazaqstandyq jazasyn óteýde. Bul týraly Bas prokýrordyń orynbasary Marat Ahmetjanov málimdedi.

Marat Ahmetjanovtyń aıtýynsha, ózge memleketterde jazasyn ótep jatqan otandastarymyzdyń basym kópshiligi Reseı túrmelerinde otyr.

«Shetel túrmelerinde otyrǵan qazaqstandyqtardyń 70 paıyzy, ıaǵnı 537-i Reseıde. Olar bizdiń eldiń azamattary sanalǵanymen olar sonda jumys istegen, otbasylaryn sonda kóshirip, sol jaqta ómir súrgen azamattar. Olar qaıtys kelem dese, múmkindikteri bar. Eki eldiń kelisimsharty negizinde qaıta alady. 2019-2020 jyly Reseı tarapynan úsh azamattyń qaıtarýdan bas tartyldy. Aldymen shyǵyndy óteýi kerektigin alǵa tartty», - dedi ol.

Bas prokýrordyń orynbasary aldaǵy ýaqytta Ózbekstanmen kelisim jasalý kózdelip otyrǵanyn jetkizdi. Sebebi onda 24 qazaqstandyq jazasyn óteýde. Al bizdiń elimizdegi túrmelerde Ózbekstannyń 400 azamaty otyr. Eger eki el arasynda kelisimshart jasalsa, jazasyn óteýshilerdi ózara almasý múmkindigi paıda bolmaq.

 

Sońǵy jańalyqtar