24 Qyrkúıek, 12:04 295 0 Nur Otan Anar LEPESOVA

«Birgemiz» qorynyń kómegimen Maqtaaralda 32 úı salynýda

Mamyr aıynda Ózbekstandaǵy «Sardoba» sý qoımasyndaǵy apatqa baılanysty Túrkistan oblysy, Maqtaaral aýdanynda birneshe aýyldy topan sý basqan bolatyn. Búginde Myrzakentte jańa shaǵynaýdan boı kóterip, úıler salynyp jatyr.

Sol úılerdiń 20-syn «Nur Otan» partııasy «Birgemiz» qory arqyly salyp berýdi uıǵarǵan. «Nur Otan» partııasy tóraǵasynyń birinshi orynbasary Baýyrjan Baıbek aýdanǵa arnaıy kelip, partııa yqpalymen salynatyn úılerdiń irgetasyn qalaý rásimine qatysty. Keıin jergilikti turǵyndar men ákimdiktiń suranysyna sáıkes, taǵy 12 úıdiń qurylysyn júrgizý týraly sheshim qabyldandy.

«Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev jýyrda Maqtaaral aýdanyna jumys saparynda Myrzakenttegi úılerdiń qurylys barysymen de tanysty. Partııa fılıaly tóraǵasynyń birinshi orynbasary qurylysqa jaýapty merdiger men jumysshylarǵa úılerdi sapaly ári ýaqtyly tapsyrý kerektigin aıtty. Baspanalardyń talapqa saı bolýy partııanyń baqylaýynda ekenin eskertti.
Jalpy Maqtaaraldaǵy sý tasqyny kezinde «Nur Otan» partııasy ókilderi eldiń arasynan tabylyp, myrzashóldikterge kómektesti. Tótenshe jaǵdaıǵa baılanysty jedel shtab quramynda jemisti eńbek etip, gýmanıtarlyq kómekterdi jetkizýdi úılestirdi.

Elbasy, partııa Tóraǵasy Nursultan Nazarbaevtyń tapsyrmasymen qurylǵan «Birgemiz» qory arqyly aýdanǵa qarajat bólinip, 32 úıdiń qurylysy júrgizilip keledi. Ár úıdiń qurylysyna 17 mln. teńgeden qaralǵan.

Qazirgi tańda partııanyń úılestirýimen salynyp jatqan 20 úıdiń qurylysy aıaqtalǵan. Qalǵan 12-sinde jumys jalǵasýda. Jalpy 32 úı de taıaý ýaqytta turǵyndarǵa paıdalanýǵa beriledi dep josparlanyp otyr.

Sońǵy jańalyqtar