24 Qyrkúıek, 10:40 455 0 Densaýlyq Anar LEPESOVA

Kanadada koronavırýstyń ekinshi tolqyny bastaldy

Kanadada koronavırýstyń ekinshi tolqyny bastaldy. Bul týraly eldiń premer-mınıstri Djastın Trıýdo CTV News telearnasynyń efırinde málimdedi.

Úkimet basshysynyń boljamynsha, jańa tolqyn birinshisine qaraǵanda aýyr bolýy yqtımal.

«Tórt iri provınııamyzda bastalǵan ekinshi tolqyn jan-jaqqa taralyp ketken. Jaǵdaı kóktemge qaraǵanda áldeqaıda nashar bolýy múmkin», - dedi premer.

Djastın Trıýdonyń sózinshe, naýryz aıynda aýrý juqtyrýdyń 47 jańa oqıǵasy tirkelse, 22 qyrkúıekte olardyń sany 1 myń adamnan asqan. Úkimet basshysy ekinshi tolqyndy baqylaýǵa alý múmkindigin jiberip almaý keregin eskertip, el turǵyndaryn saqtyq sharalaryn muqııat orynadaýǵa shaqyrdy.

Djons Hopkıns ýnıversıtetiniń dereginshe, Kanadada koronavırýs juqtyrǵandar sany 150 myńǵa jýyqtady. Indetten 9294 adam kóz jumdy.

Al álemde pandemııa bastalǵaly 31,8 mln adam indetke shaldyqqan. Qaterli vırýs qurbandarynyń sany 1 mıllıonǵa jýyqtady.

Sońǵy jańalyqtar