24 Qyrkúıek, 10:02 384 0 Qoǵam Anar LEPESOVA

82 jastaǵy keıýana alǵash ret jeke kýálik aldy

Almaty oblysynda 82 jastaǵy áje alǵash ret jeke kýáligin aldy.

Egde jastaǵy azamatshaǵa qujatty Almaty oblysy Polıııa departamenti Kóshi-qon qyzmetiniń ókilderi tabystady. Budan bólek, qalanyń úsh turǵyny jeke kýálikterin birinshi ret resmı túrde tirkedi. Endi bul azamattar Qazaqstan Respýblıkasynyń teń quqyly azamattary bolyp sanalyp, laıyqty zeınetaqylaryn ala alady.

– Bizge ómirlik qıyn jaǵdaıǵa tap bolǵan adamdarǵa arnalǵan ońaltý ortalyǵynyń qyzmetkeri júgindi. Ol jeke basyn kýálandyratyn qujattary joq úsh adamnyń ortalyqta ornalasqanyn jetkizdi. Bul adamdardyń eshqashan qujattary bolmaǵan. Keıbiriniń tipti azamattyǵy da joq edi. Barlyq qajetti qujattardy jınap, tıisti organdarǵa kóptegen suranysty joldaı otyryp, biz olarǵa qujattardy tapsyrdyq. Budan bylaı olar bizdiń barlyq azamattarymyz sııaqty, memlekettik zeınetaqyǵa úmitker bola otyryp, kúnkóris úshin qarajat ala alady, – dep habarlady Almaty oblysy PD Kóshi-qon qyzmeti basqarmasy bastyǵynyń orynbasary Elmurat Nurseıitov.

Aıta ketý kerek, jyl basynan beri Qazaqstan azamattyǵyna 7508 azamat qabyldandy.

− 353 adam Qazaqstan Respýblıkasynyń azamattary bolyp sanaldy jáne tanyldy. Jalpy oblys boıynsha jıyrma bes myńnan astam shetel azamaty tirkelgen. Kóshi-qon zańnamasyn buzǵany úshin 159 sheteldik elden shyǵaryldy, – dep tolyqtyrdy Elmurat Nurseıitov.

 

Sońǵy jańalyqtar