23 Qyrkúıek, 20:59 397 0 Densaýlyq Anar LEPESOVA

COVID-19: Q.Toqaev álem elderin vakına daıyndaýdy saıasılandyrmaýǵa shaqyrdy

Koronavırýsqa qarsy vakına ázirleý máselesin saıasılandyrýǵa jol bermeý kerek. Bul týraly BUU Bas Assambleıasy 75-sessııasynyń jalpysaıası debattarynda  sóılegen sózinde QR Prezıdenti Qasym-Jomart Toqaev aıtty. 

«Koronavırýs indeti jappaı tarala bastaǵannan keıin BUU-nyń túrli qorlary men baǵdarlamalary daǵdarysqa qarsy turý úshin dereý jumyldyryldy. Alaıda, halyqaralyq qoǵamdastyq atalǵan baǵytta budan da kóp shara qabyldaýy kerek»,- dedi Memleket basshysy.

Qasym-Jomart Toqaevtyń pikirinshe, densaýlyq saqtaý isiniń qýatty jahandyq júıesin qurý maqsatynda damyǵan elder men BUU agenttikteriniń ýaqytyly jáne úılesimdi qoldaýy arqyly damýshy elderdiń medıınalyq mekemelerindegi ulttyq ınstıtýttardy jańǵyrtýǵa basymdyq berý qajet.

Sondaı-aq, Prezıdent indetke qarsy ekpeni daıyndaý men ony tasymaldaý tıimdiligin arttyrýǵa qatysty usynystaryn ortaǵa saldy.

«COVID-19 indetine qarsy vakına ázirleý máselesin saıasılandyrýǵa jol bermeý kerek. Atalǵan mańyzdy máselede ınvestıııa jáne saýda jónindegi jan-jaqty halyqaralyq kelisimge qol jetkizý qajet. Bul jahandyq deńgeıdegi vakına óndirisine jáne ony jetkizý barysynda logıstıkalyq tasymaldyń tıimdiligine septigin tıgizedi», - dedi Qasym-Jomart Toqaev.

Aıta keteıik, buǵan deıin BUU bas hatshysy álem elderin vakına jaıly jalǵan aqparattarmen kúresýge shaqyrǵan edi.

A.Gýterrıshtiń sózinshe, vakınaǵa búkilálemdik ıgilik dep qaraý kerek. Óıtkeni COVID-19 epıdemııasynda shekara joq. Sondyqtan álem elderiniń barlyǵyna qoljetimdi vakına jasalýy tıis deıdi bas hatshy.

Eske sala ketsek, jýyrda koronavırýsqa qarsy qazaqstandyq vakınany klınıkalyq zertteý bastaldy.

QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynda ázirlengen QazCovid-in vakınasynyń klınıkalyq synaǵy18-50 jas aralyǵyndaǵy deni saý eresek eriktiler arasynda júrgiziledi. Vakınanyń qaýipsizdigin anyqtaýǵa baǵyttalǵan zertteýdiń I fazasyna koronavırýspen aýyrmaǵan jáne antıdeneleri joq 44 erikti qatysady. Immýnogendilikti zertteýge baǵyttalǵan ekinshi fazada 200 erikti qatyspaq.

 

Sońǵy jańalyqtar