23 Qyrkúıek, 18:42 1560 0 Bilim Anar LEPESOVA

ShQO-da kezekshi synypta oqıtyn oqýshydan koronavırýs anyqtaldy

Shyǵys Qazaqstan oblysynda kezekshi synypta oqıtyn mektep oqýshysynan koronavırýs juqtyrǵan. Bul týraly QR Densaýlyq saqtaý mınıstrliginiń resmı ókili Baǵdat Qojahmetov málimdedi. 

«14 qyrkúıek kúni Shyǵys Qazaqstan oblysynyń Altaı aýdanyna qarasty Parygına eldi mekeninde kezekshi synypta oqıtyn oqýshynyń (2-synyp) koronavırýs juqtyrýynyń alǵashqy jaǵdaıy anyqtaldy. Balanyń anasy – muǵalim. Birinshi kúni dene qyzýy 37 gradýs bolǵan, barlyq sımptomdary vırýsqa keledi», - deıdi B.Qojahmetov.

Oqýshynyń indet juqtyrǵanyn PTR-test rastapty. Mınıstrlik ókiliniń aıtýynsha, bala úıinde emdelip jatyr, jaǵdaıy jaqsy. Naýqas oqýshymen bir synypqa oqyǵan 12 bala jáne olarǵa sabaq bergen muǵalimder de koronavırýsqa test tapsyrǵan.

Aıta keteıik, buǵan deıin Baǵdat Qojahmetov elimizde qatań qarantın qandaı jaǵdaıda engiziletinin aıtqan bolatyn. Resmı ókildiń sózinshe, Qazaqstanda orta eseppen PTR arqyly indet juqtyrǵany rastalǵan naýqastar sany 30 myńǵa jetse, bul el ishinde qatań karantındik sharalar engizýge basty sebep bolmaq.

Ótken táýlikte elimizde 76 adamnan koronavırýs anyqtalyp, respýblıka boıynsha indet juqtyrǵandardyń jalpy sany 107 450-ge jetti. Indetten 102 myńnan astam adam emdelip shyqty. 1699 naýqas qaıtys boldy.

 

Sońǵy jańalyqtar