23 Qyrkúıek, 17:35 359 0 Bilim Dilda ÝÁLIBEK

Abaı ýnıversıteti jemqorlyqqa qarsy halyqaralyq sertıfıkat aldy

17 qyrkúıekte Abaı ýnıversıtetiniń rektory Takır Balyqbaevtyń esep berý kezdesýi ótti. Kezdesý Zoom platformasynda onlaın formatta ótti, sondaı-aq ýnıversıtettiń resmı paraqshalarynda kórsetildi.

Is-sharaǵa qalalyq máslıhat depýtattary, Almaty qoǵamynyń ókilderi, joǵary oqý oryndarynyń rektorlary, ǵylymı ınstıtýttar men oqý oryndarynyń dırektorlary, «Nur Otan» partııasynyń músheleri, buqaralyq aqparat quraldarynyń ókilderi, sheteldik elshilikterdiń konsýldyq mekemeleriniń qyzmetkerleri, ata-analar, professor-oqytýshylar quramy men stýdentter qatysty.

Takır Balyqbaev óz baıandamasynda 2019/2020 oqý jylyn qorytyndylady, ýnıversıtettiń bilim berý, ǵylymı-ınnovaııalyq, qarjy-sharýashylyq jáne áleýmettik-tárbıelik qyzmeti týraly egjeı-tegjeıli esep berdi, álemdik jáne ulttyq reıtıngterdegi jetistikterdi atap ótti, ýnıversıtettiń damýynyń strategııalyq mindetteri men baǵyttaryn aıqyndady.

Ýnıversıtet basshysy atap ótkendeı, «QazUPÝ qyzmeti orta bilim berýdiń jańartylǵan mazmuny men muǵalimniń kásibı quzyrettiligine qoıylatyn jańa talaptar jaǵdaıynda pedagogtardy daıarlaýdy jetildirýge baǵyttalǵan». Pedagogtardyń jumysyn jandandyrý jáne yntalandyrý úshin jańa oqý jylynda jalaqy 25% kóterildi. Bul qoldaý bilim sapasyna áser etedi.

Abaı atyndaǵy QazUPÝ jyl saıyn álemdik jáne respýblıkalyq reıtıngterde óz pozıııasyn jaqsartyp keledi. QS World University Rankings álemdik reıtınginde Abaı atyndaǵy QazUPÝ 601-650-shi oryndardy ıelenip, álemniń úzdik 5 pedagogıkalyq joǵary oqý oryndarynyń qataryna kirdi. QR JOO arasyndaǵy reıtıngte Abaı ýnıversıteti altynshy orynǵa ıe boldy. QS World University Ranking, EECA - 105 orynda (2019 - 103).

Webometrics álemdik reıtıngine elimizdiń 128 JOO kirdi. Bul reıtıngte Abai University saıty 4995-shi oryndy ıelendi. 2020 jylǵy qańtardyń (6022) kórsetkishimen salystyrǵanda ýnıversıtet 1027 pozıııaǵa kóterildi. Akkredıtteý jáne reıtıngtiń táýelsiz agenttiginiń 2020 jylǵy reıtıngisinde Abaı atyndaǵy QazUPÝ eldiń tórt úzdik ýnıversıtetiniń qataryna endi. Pedagogıkalyq JOO arasynda ýnıversıtetimiz birinshi orynǵa ıe boldy. Bakalavrıattyń bilim berý baǵdarlamalary baǵytyndaǵy ýnıversıtetterdiń qorytyndy kórsetkishteri boıynsha ınstıtýıonaldyq reıtınginde (24345) QR  joǵary oqý oryndarynyń arasynda birinshi orynǵa ıe boldy.

Eńbek naryǵyndaǵy túlekterge degen suranys jáne jumys berýshilerdiń jas mamandardy kásibı daıarlaý sapasyna qanaǵattanýy da joǵary deńgeıde. Abaı atyndaǵy QazUPÝ túlekteriniń jumys berýshileri Almaty, Nur-sultan qalalarynyń jáne Almaty oblysynyń, sondaı-aq respýblıkanyń barlyq óńirleriniń bilim berý mekemeleri bolyp tabylady. Jumys berýshilermen ózara baılanysty nyǵaıtý maqsatynda 2019 jyly QazUPÝ-dyń «Mansap» mobıldi qosymshasy ázirlendi. Bul qosymsha jumys izdeýdi jáne ýnıversıtet túlekterin jumysqa ornalastyrýdy edáýir jeńildetedi: 4063 paıdalanýshy (1012 jumys berýshi, 3051 stýdent).

Zamanaýı ýnıversıtet qyzmetiniń mańyzdy aspektisi joǵary bilikti professor-oqytýshylar quramyn qalyptastyrý bolyp tabylady. Sheteldik seriktes joǵary oqý oryndarynyń professorlary tartyldy, respýblıkanyń barlyq derlik oqytýshylary qysqy jáne jazǵy mektepterde, «ıfrlyq pedagog» onlaın-mektebinde jáne osy baǵyttaǵy ýnıversıtettiń basqa jobalary men baǵdarlamalaryna qatysyp, biliktiligin arttyrdy.

Abaı ýnıversıteti Qazaqstannyń joǵary oqý oryndarynyń arasynda birinshi bolyp ISO 37001-2016 halyqaralyq standartynyń sybaılas jemqorlyqqa qarsy basqarý júıesin engizý týraly sertıfıkat aldy.

Ashyqtyq pen qoljetimdilikti qamtamasyz etý maqsatynda ýnıversıtet rektory turaqty túrde tikeleı efırler men Openspace formatynda  kezdesýler ótkizedi, óziniń blogy men poshtasyna kelip túsken ótinishterdi jeke qaraıdy, áleýmettik jelilerde jeke akkaýnttaryn júrgizedi. Barlyq ótinishter boıynsha tıisti sharalar qabyldanyp, olardyń oryndalýy baqylanady. Takır Balyqbaev ýnıversıtet basshylyǵy qoǵammen baılanys ornatý baǵytynda barlyq  kommýnıkaııa túrlerin kúsheıtetindigin basa aıtty.

Sońǵy jańalyqtar