23 Qyrkúıek, 15:41 567 0 Óndiris Anar LEPESOVA

Qazaqstanda ónerkásipti damytý qory quryldy

Elimizde Memleket basshysynyń tapsyrmasyna sáıkes «Ónerkásipti damytý qory» AQ quryldy. Bul týraly QR Indýstrııa jáne ınfraqurylymdyq damý mınıstrlginiń baspasóz qyzmeti habarlady. 

Qor Indýstrııalyq damý jáne Nurly jol memlekettik baǵdarlamalarynyń qarjy operatory -«QDB-Lızıng» AQ bazasynda quryldy.

Memleket basshysy 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda atap ótkendeı, elimizdiń aldynda turǵan mańyzdy mindet - ónerkásiptik áleýetti barynsha damytý. Úkimet aldyna ishki jáne syrtqy naryqtarda óńdeý ónerkásibi kásiporyndarynyń básekege qabilettiligin arttyrý boıynsha mindetter qoıyldy.

Sonymen qatar Memleket basshysy óńdeý ónerkásibiniń óndirisin bes jyl ishinde kem degende 1,5 ese arttyrýdy tapsyrdy. Indýstrııa jáne ınfraqurylymdyq damý mınıstrligi QDB-Lızıngimen birlesip óńdeý ónerkásibiniń otandyq kásiporyndaryn jańǵyrtý jáne otandyq óndiris taýarlaryna suranysty yntalandyrý jónindegi baǵdarlamalardy iske asyrýda.

Qordy qurý óńdeýshi ónerkásiptiń otandyq kásiporyndaryn memlekettik qoldaý sharalaryn keńeıtýge múmkindik beredi. Qor otandyq kásiporyndardy 3% - dan aspaıtyn mólsherleme boıynsha qoljetimdi qarjylandyrýdy qamtamasyz etýge baǵyttalatyn bolady.

Qor qyzmetiniń negizgi basymdyǵy aǵymdaǵy jyldyń qyrkúıeginde Memleket basshysynyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda qoıylǵan mindetter sheńberinde strategııalyq ınvestıııalyq jobalardy iske asyrý bolady.

 

Sońǵy jańalyqtar