23 Qyrkúıek, 13:29 438 0 Jahan Anar LEPESOVA

200 myń ólim: Tramp koronavırýspen kúrestegi kóregendigi úshin ózin-ózi maqtady

AQSh-ta koronavırýs qurbandarynyń sany 200 myńǵa jetkendigi jónindegi habardan keıin memleket basshysy Donald Tramp indetpen kúrestegi kóregendigi úshin ózin-ózi maqtady, dep jazady RIA Novostı.

«Bul sumdyq jaǵdaı. Eger biz durys bárin durys jasamaǵanda, indet qurbandarynyń sany 2,5 mıllıon bolar edi», — dedi AQSh kóshbasshysy.

Sondaı-aq, ol Qytaı indettiń búkil álemge taralýyna jol bermegende eshkim qaıtys bolmaıtyn aıtty.

Buǵan deıin BUU Bas assambleıasynda jasaǵan beıneúndeýinde Donald Tramp Qytaıdy koronavırýsqa qatysty áreketteri úshin jaýapqa tartýǵa shaqyrǵan edi. «Áýeli Qytaı úkimeti jáne is júzinde Pekın baqylap otyrǵan DDSU koronavırýs adamnan adamǵa juqpaıdy degen qate aqparat taratty. Sodan soń olar vırýs sımptomsyz naýqastardan juqpaıdy dep álemdi taǵy adastyrdy», — dedi AQSh basshysy.

Djons Hopkıns ýnıversıtetiniń sońǵy deregine súıensek, álemde koronavırýs juqtyrǵandar sany 31,6 mıllıonnan asty. Indetten 970 myńnan asa adam qaıtys boldy.

Indet juqtyrǵandar sany boıynsha álemde kósh bastap turǵan AQSh-ta pandemııa bastalǵaly 6,9 mıllıonǵa jýyq adam nan qaterli vırýs anyqtaldy. Memleket indetten kóz jumǵandar sany jóninen de birinshi orynda. Elde koronavırýs qurbandarynyń sany 200 807-ge jetti.

Sońǵy jańalyqtar