23 Qyrkúıek, 11:59 460 0 Praımerız Anar LEPESOVA

Praımerız úmitkerleriniń saılaýaldy baǵdarlamasymen QR-kod arqyly tanysýǵa bolady

Zamanyna qaraı amaly demekshi, sandyq tehnologııalar «Nur Otan» partııasynyń qyzmetin de aınalyp ótken joq. Ýaqyt ótken saıyn saıası uıym jumysyn ıfrlandyrýǵa burýda. Máselen, kandıdattar partııaishilik irikteý – praımerızdiń úgit-nasıhattyq jumysynda keńinen qoldanýda.

Bul bastamany jetisýlyq qatysýshylarda qolǵa alǵan. Almaty oblystyq partııa fılıaly tóraǵasynyń birinshi orynbasary Janbolat Jórgenbaevtyń sózinshe, QR-kod qoldaný óte yńǵaıly, ári smartfonmen qajetti aqparatty tolyǵymen alsa bolady eken.

«Partııa zaman aǵymyna qaraı zamanaýı tehnologııany paıdalaný qajet. Sol sebepti de, Almaty oblysyndaǵy úmitkerlerimiz QR-kod qoldaný arqyly da úgit nasıhat jumystaryn júrgizýde. Óńirimizde kez kelgen turǵyn úmitkerdiń taratpa qaǵazdaǵy (broshıýra) QR-kodpen smartfony arqyly tolyqqandy málimet alyp, saılaýaldy baǵdarlamasymen tanyssa bolady» - dep atap ótti.

Jalpy, QR-kod anyqtamasyna toqtalyp ótsek, QR “Quick Response - Shuǵyl jaýap”. Bul mobıldi telefonnyń kamerasy arqyly jyldam taný úshin aqparat beretin, eki ólshemdi (bar kod) shtrıh-kod. QR-kodtyń kómegimen kez kelgen aqparatty kodtaýǵa bolady.

Eske salatyn jaıt, «Nur Otan» partııasy uıymdastyryp jatqan praımerız, ıaǵnı partııaishilik irikteý 17 tamyz ben 3 qazan aralyǵynda ótedi. Almaty oblysynda 1080 úmitker qazirgi tańda baq-synasýda. Olar jer jerlerde úgit nasıhat jumysyn júrgizip, pikir-saıystarǵa qatysýda. Búgingi tańda 60 myńǵa jýyq adamnyń qamtylýymen 2000-ǵa jýyq kezdesýler uıymdastyrylǵan.

Sońǵy jańalyqtar