23 Qyrkúıek, 11:17 2263 0 Zań Anar LEPESOVA

“Qaıtarymsyz nesıe alyp beremin”: Túrkistandyq polıeıler alaıaqtyń áreketin áshkereledi

Túrkistan oblysynyń polıeıleri turǵyndarǵa qaıtarymsyz nesıe shyǵaryp beremin dep, alaıaqtyq jasaǵan kúdiktini ustady, dep habarlaıdy Polisia.kz.

Jetisaı APB-niń kezekshi bólimine jergilikti turǵyn aryzdanyp, otbasymen alaıaqtyń qurbany bolǵandaryn aıtyp shaǵymdanǵan. Jábirlenýshiniń aıtýynsha, oǵan tanysy aǵymdaǵy jyldyń shilde aıynda kásipkerlikke qoldaý kórsetý maqsatynda memleketten qaıtarymsyz 500 myń teńge aqsha shyǵaryp beremin dep senimine kirgen. Sodan jábirlenýshi ózi men týystarynan 200 myń teńge jınap bergen. Al, tanysy bolsa aqsha alǵannan keıin jasyrynyp, ýádesin oryndamaı ne aqshasyn qaıtarmaı ábigerge salǵan.

Atalǵan jaıt Jetisaı APB-ne QR QK-niń 190-baby boıynsha tirkeldi. Osy jaıtqa baılanysty alaıaqtyq qylmysyn ashý maqsatynda polıııa bóliminde tájirıbeli qyzmetkerlerden jedel-tergeý toby quryldy. Polıeıler jedel-izdestirý is-sharalarynyń nátıjesinde kúdiktiniń jeke-basyn anyqtap, ony APB-ǵa jetkizdi. Ol jumyssyz, buryn tonaý, alaıaqtyq boıynsha sotty bolǵan jergilikti turǵyn bolyp shyqty.

Tergeý barysynda polıııa qyzmetkerleri ustalǵan jigittiń joǵarydaǵy jábirlenýshi otbasy múshelerinen bólek, taǵy da bir áıeldi aldap, odan 50 000 alǵanyn anyqtady. Alaıaq jigit aldaý jolymen alǵan aqshalardy óziniń qajettiligine jaratyp jibergenin tolyǵymen moıyndady.

Qazirgi ýaqytta atalǵan jaıttar boıynsha sotqa deıingi tergeý amaldary júrgizilýde. Kúdikti qamaýǵa alyndy. Tártip saqshylary alaıaq azamattyń budan basqa da qylmystarǵa qatystylyǵyn anyqtaýda.

 

Sońǵy jańalyqtar