23 Qyrkúıek, 10:34 414 0 Bilim Dilda ÝÁLIBEK

Qyzdar ýnıversıteti Shyǵys Eýropa elderiniń halyqaralyq reıtıngine kirdi

Qazaq ulttyq qyzdar pedagogıkalyq ýnıversıtetiniń rektory Gaýhar Aldambergenova halyq aldynda esep berý kezdesýin ótkizdi. Bul týraly oqý ornynyń baspasóz qyzmeti habarlady.

Jıyn tikeleı efırde Zoom platformasy men oqý ornynyń áleýmettik jelidegi resmı paraqshalarynda uıymdastyryldy. Úsh saǵatqa sozylǵan kezdesýde ýnıversıtet basshysy ótken oqý jylynda atqarylǵan jumystardy jan-jaqty baıandap, aldaǵy josparymen bólisti.

«75 jyl boıy elimizdiń bilim berý júıesi úshin 60 myńnan astam maman daıarlaǵan Qazaqstannyń jetekshi pedagogıkalyq joǵary oqý oryndarynyń biri – Qazaq ulttyq qyzdar pedagogıkalyq ýnıversıteti úshin 2019-2020 oqý jyly Ulttyq ýnıversıtet mártebesindegi damý kezeńimen jáne eldegi tótenshe jaǵdaıǵa baılanysty engizilgen shekteý sharalarymen tuspa-tus keldi. Ótken oqý jylynyń ekinshi jartyjyldyǵynda kezdesken qıyndyqtarǵa qaramastan, ýnıversıtettiń akademııalyq saıasatyna sáıkes bilim alýshylar men professor-oqytýshylyq quram aldyndaǵy mindettemelerin tolyq oryndady», – dedi Gaýhar Aldambergenova.

Osy ýaqyt sheńberinde ýnıversıtet ujymy bilim berý sapasyn arttyrý, ǵylym júıeni jetildirý, halyqaralyq yntymaqtastyq, tárbıe, tulǵanyń kásibı qalyptasýy, ınfraqurylymdy damytý, kadrlyq áleýetti jaqsartý boıynsha úlken jumys atqardy.

Atap aıtqanda, Qyzdar ýnıversıteti alǵash ret Shyǵys Eýropa jáne Ortalyq Azııa elderiniń QS 301 - 350 halyqaralyq reıtıngine kirdi. ARES joǵary oqý oryndarynyń halyqaralyq reıtınginde Qazaqstannyń 130 joǵary oqý orny arasynda 29-shy orynǵa ıe boldy.

Sonymen qatar  ulttyq ınstıtýıonaldyq reıtıngte ýnıversıtet JOO-nyń ondyǵyna jáne Qazaqstannyń úzdik 3 pedagogıkalyq JOO-nyń qataryna endi. 13 bilim berý baǵdarlamasy boıynsha ýnıversıtet «Atameken» Ulttyq kásipkerlik palatasy reıtıngindegi joǵary oqý oryndarynyń alǵashqy ondyǵyna taban tiredi.

«2019 jyldan bastap Qazaqstannyń joǵary oqý oryndaryna berilgen akademııalyq erkindik sheńberinde ýnıversıtet jumys berýshilermen belsendi yntymaqtastyq ornatyp, olardy bilim berý baǵdarlamalaryn jobalaý men jetildirý jumystaryna qatystyrdy. Bilim berý baǵdarlamalaryna engizilgen barlyq ózgerister eńbek naryǵynyń suranysy men qazirgi zaman qoıǵan talaptarǵa sáıkestigine qaraı saraptamadan ótti», – dep atap ótti QyzUPÝ rektory.

Onyń málimetinshe, bıyl ýnıversıtetti 1889 túlek bitirip, onyń 82 paıyzy jumysqa ornalasty. Ol elektrondyq úkimet portaly arqyly júzege asyryldy. Qyzdardyń kópshiligi óz aımaqtaryna oralyp, jumys isteýde. Gaýhar Aldambergenovanyń aıtýynsha, bitirýshilerdi óz mamandaǵyna sáıkes jumysqa ornalastyrý úshin ýnıversıtet óńirlik basqarmalarmen, bilim bólimderimen, mektepke deıingi jáne orta bilim berý uıymdarymen tikeleı kelisimsharttar jasaǵan.

Esep berý kezdesýde QyzUPÝ rektory ǵylymı áleýetti arttyrý baǵytynda atqarylyp jatqan jumystarǵa da sholý jasady.

«Ǵylymı-zertteý jumystary 14 zerthana men ortalyqtarda júzege asady. Onyń ishinde Keshendi hımııa-bıologııalyq ǴZO, Bıohımııa jáne bıotehnologııa zerthanasy, Polımerazdy tizbekti reakııa zerthanasy, Geoaqparattyq júıeler zerthanasy, Latyn grafıkasy ortalyǵy, Robototehnıka ortalyǵy, «Dara» túzetý ortalyǵy, Inklıýzıvti bilim berýdi qoldaý resýrstyq-keńes berý ortalyǵy, «Jan shýaǵy» psıhologııalyq qoldaý ortalyǵy, sondaı-aq Áleýmettik jáne genderlik zertteýler ǵylymı-zertteý ınstıtýty qyzmet atqarady. Oqý ornynda ǵylymı kadrlardy daıarlaýdy kúsheıtý maqsatynda hımııa jáne bıologııa ǵylymdary boıynsha jańa dıssertaııalyq keńester ashyldy», – dep atap ótti Gaýhar Aldambergenova.

Ýnıversıtette sheteldik joǵary oqý oryndarymen 60-tan astam halyqaralyq shart bar. Onyń ishinde 2019-2020 oqý jylynda 10 ózara kelisim jasalǵan. QyzPÝ Túrkııanyń Nııde Omer Halısdemır ýnıversıtetimen, AQSh-tyń Mıssısıpı alqabynyń memlekettik ýnıversıtetimen, Polshanyń Sılezııa ýnıversıtetimen, Londonnyń batys halyqaralyq kolledjimen qos dıplomdy bilim berý baǵdarlamalaryn iske asyrýda. 2019-2020 oqý jylynda syrtqy shyǵys akademııalyq utqyrlyq baǵdarlamasy aıasynda 48 bilim alýshy sheteldik seriktes joǵary oqý oryndaryna oqýǵa jiberildi.

Ýnıversıtet bazasynda 3 oqý-zerthanalyq ǵımarat, 7 jataqhana, basketbol, voleıbol, gandbol, mını-fýtbol jáne badmınton alańdary, jattyǵý zaldary, «Aqqý» júzý basseıni, «Ulpan» ashanasy bar. Barlyq jataqhanalarda fıtnez zaldary men sulýlyq salondary jumys isteıdi.

 

Sońǵy jańalyqtar