23 Qyrkúıek, 10:11 279 0 Jahan Anar LEPESOVA

Ulybrıtanııa bıligi shekteý sharalaryn kúsheıtti

Ulybrıtanııada koronavırýstyń ekinshi tolqyny bastaldy. Indettiń órshýine jol bermeý úshin el bıligi shekteý sharalaryn qaıta kúsheıtti. Bul týraly Ulybrıtanııa úkimetiniń basshysy Borıs Djonson málimdedi.

Pandemııa bastalǵaly elde 406 myńnan astam adam indetke shaldyqqan. Osydan birer aı buryn qaterli vırýsty juqtyrǵandar sany azaıyp, epıdemıologııalyq ahýal turaqtana bastaǵandaı edi. Alaıda indettiń jańa tolqyny bastalyp, koronavırýsqa shaldyqqandar sany qaıtadan arta túsi.

Vırýstyń taralýyn tejeý maqsatynda úkimet qatań sharalardy engizdi. Budan bylaı eldegi meıramhanalar saǵat keshki onǵa deıin ǵana jumys isteıdi. Barlyq mekeme qyzmetkerleri betperte taǵýy tıis. Sondaı-aq úılený toılaryna shaqyrýǵa ruqsat etilgen qonaqtar sany 15-ten aspaýy tıis. Buǵan deıin ulybrıtanııalyqtar toı-tomalaqqa 30 adamǵa deıin shaqyra alatyn.

«Qys bastalysymen vırýstyń taralýy kúsheıedi. Sońǵy eki aptada aýrýhanaǵa túsken naýqastar sany eki ese artty. Karantınnen keıin qalpyna kele bastaǵan kásiporyndarǵa shekteý keri áser tıgizetinin bilemin. Degenmen, vırýstyń taralýyna jol bermeý úshin birqatar sharalardy qolǵa alýǵa týra keledi», - dedi Ulybrıtanııa premeri.

Eske sala keteıik, buǵan deıin Ispanııada da karantın kúsheıtilgen bolatyn. El astanasynyń birneshe aýdanyn qamtıtyn shekteý 2 aptaǵa sozylady. Turǵyndar úılerinen tek jumysqa, mektepke nemese dárigerge qaralý úshin ǵana shyǵa alady. Saıabaqtar jabylyp, dúkender keshki saǵat 22:00-ge deıin ǵana jumys isteıdi. 6 adamnan kóp kisiniń jınalýyna tyıym salynady.

Sońǵy jańalyqtar