22 Qyrkúıek, 20:05 492 0 Jańalyqtar Asyl TUMAR

Qasym-Jomart Toqaev Memlekettik hatshyny qabyldady

Prezıdent Qasym-Jomart Toqaev Memlekettik hatshy Qyrymbek Kósherbaevty qabyldady, – dep habarlaıdy Aqorda.

Prezıdentke búkilálemdik pandemııaǵa qaramastan uly Abaıdyń 175 jyldyǵy, Ál-Farabıdiń 1150 jyldyǵy, Altyn ordanyń (Ulyq Ulys) 750 jyldyǵy jáne TMD elderiniń bıylǵy mádenı astanasy Shymkent qalasynyń 2200 jyldyǵyna arnalǵan is-sharalardyń mazmundy túrde júzege asýy týraly aqparat berildi.

Kezdesýde Memleket basshysy kelesi jyly ótetin Táýelsizdiktiń 30 jyldyǵyna daıyndyq máselesine erekshe kóńil bólý qajet ekenin atap ótti.

Qasym-Jomart Toqaev Saıası qýǵyn-súrgin qurbandaryn tolyq aqtaý jónindegi arnaıy memlekettik komıssııaǵa kezinde qazaq halqynyń basynan ótken asharshylyq qasireti týraly is-sharalar qabyldaýdy mindettedi.

Sonymen qatar Memlekettik hatshy qazaq tilin latyn álipbıine kóshirý jáne memlekettik tildiń fýnkıonaldyq mártebesin kóterý jónindegi usynys-pikirlerdi baıandady.

«Rýhanı jańǵyrý» baǵdarlamasyn ultty jańǵyrtý baǵdarlamasy retinde jalǵastyrý qajettigi atap ótildi.

Prezıdent Memlekettik hatshyǵa 1 qyrkúıektegi Qazaqstan halqyna arnaǵan Joldaýynda aıtylǵan áleýmettik máselelerdi sheshýde ortalyq jáne jergilikti atqarýshy organdardyń jumysyn úılestirýdi baqylaýda ustaýdy tapsyrdy.

Sońǵy jańalyqtar