22 Qyrkúıek, 12:45 422 0 Jańalyqtar Asyl TUMAR

Mınıstr ǵylymı jádigerlerdi ıfrlandyrýdy tapsyrdy

Bilim jáne ǵylym mınıstri Ashat Aımaǵambetov M.Áýezov atyndaǵy Ádebıet jáne óner ınstıtýtynyń barlyq jádigeri men qujatyn ıfrlandyrýdy tapsyrdy.

«Qazaq ádebıeti men mekteptegi kitaphanalar boıynsha tıisti tapsyrma berildi. Ony ary qaraı júrgizý kerek. Ulttyq ǵylym akademııasymen birge bul jumysty sońyna jetkizemiz. Mańyzdy máseleniń biri – ıfrlandyrý. Biz sizderde jınalǵan aýqymdy rýhanı baılyqty, jádigerler men ult muralaryn ıfrlandyrýymyz kerek. Ol úshin ne qajet? Bizge ótinishterińizdi jiberińizder. Máseleni retteımiz», – dedi mınıstr.

Ashat Aımaǵambetov sonymen qatar ǵylymı ınstıtýttardyń maqsaty – ǵylymı izdenis ekenin, alaıda olar ol jumystan bólek qoǵammen jumys júrgizýi kerektigin eske saldy.

«Qoǵamda bolyp jatqan ártúrli qubylystarǵa oıyn aıtý, sarapshy retinde aralasý, shyn máninde kez kelgen oqıǵaǵa ǵylymı negiz berý – óte mańyzdy másele. Bizdiń ǵylymı zertteý ınstıtýttary osy jumysty umytpaýy kerek. Álbette, zertteý – basty jumys. Alaıda qoǵamdaǵy oqıǵalarǵa ǵylymı negizde túsinik berip otyrý mańyzdy», – dedi ol.

 

Sońǵy jańalyqtar