21 Qyrkúıek, 18:06 390 0 Qaýipsizdik Anar LEPESOVA

Óskemende tramvaı men órt sóndirý kóligi soqtyǵysty

Óskemen qalasynda órt sóndirý mashınasy tramvaımen soqtyǵysty. Bul týraly ShQO polıııa departamentiniń baspasóz qyzmeti habarlady.

Aldyn ala málimetter boıynsha, jol-kólik oqıǵasy 21 qyrkúıekte tańǵy saǵat 8:30 shamasynda Úlbi ózeni arqyly ótetin kópirde bolǵan. Oqıǵa kópirden Nurmaǵambetov kóshesine shyǵatyn jerde oryn aldy.

"Tramvaı kópirden kele jatqan, órt sóndirý mashınasy Protozanov kóshesimen qozǵalǵan. Órt sóndirý mashınasynyń qyzmet babymen órt sóndirýge ketip bara jatqandyǵy anyqtaldy. «Sergek» beınebaqylaý kameralaryndaǵy jazba zertteldi. Beınejazbada órt mashınasy jypylyqtaǵan maıaktarmen qozǵalǵany anyq kórinip tur. Tramvaı órt sóndirý kóligine jol bermedi", - dep túsindirdi oblystyń polıııa departamenti baspasóz qyzmeti.

Zardap shekkender joq. Tramvaı júrgizýshisine qatysty "Adam densaýlyǵyna zııan keltirýge, kólik quraldaryna nemese basqa múlikke zııan keltiretin kólik quraldary júrgizýshileriniń jol qozǵalysy erejelerin buzýy" baby boıynsha ákimshilik hattama jasaldy.

Sońǵy jańalyqtar