21 Qyrkúıek, 17:34 362 0 Jańalyqtar Anar LEPESOVA

Tekeli qalasyna jańa ákim taǵaıyndaldy

Batyr Moldahmetov Almaty oblysynyń Tekeli qalasyna ákim bolyp taǵaıyndaldy. 

Batyr Qaıyrkenuly Moldahmetov 1978 jyly Almaty qalasynda týǵan.

1999 jyly I. Jansúgirov atyndaǵy Jetisý memlekettik ýnıversıtetin "Injener-pedagog" mamandyǵy boıynsha bitirgen, 2003 jyly D. Qonaev atyndaǵy ýnıversıtetin "Zańtaný" mamandyǵy boıynsha, 2007 jyly Q. Sátbaev atyndaǵy Qazaq últtyq tehnıkalyq ýnıversıtetin "Qurylys" mamandyǵy boıynsha támamdaǵan.​2000-2001 jyldary QR Qarýly Kúshterinde qyzmet ótkergen.

Eńbek jolyn 1999 jyly Taldyqorǵan qalasynyń polıtehnıkalyq kolledjinde óndiristik oqytý sheberi bolyp bastaǵan.

Almaty oblysy ákimi orynbasarynyń keńesshisi, Almaty oblysy ákimi apparatynyń bas mamany-oblys ákimi birinshi orynbasarynyń kómekshisi, Almaty oblysy ákimi birinshi orynbasarynyń kómekshisi, Panfılov aýdany ákiminiń orynbasary, Almaty oblystyq qurylys basqarmasy bastyǵynyń orynbasary, Almaty oblysynyń memlekettik sáýlet-qurylys baqylaý basqarmasy basshysynyń orynbasary, Tekeli qalasy ákimi apparatynyń basshysy bolyp qyzmet etken.​2018 jyldyń qańtar aıynan – Tekeli qalasy ákiminiń orynbasary boldy.

 

Sońǵy jańalyqtar