21 Qyrkúıek, 16:48 581 0 Ekologııa Anar LEPESOVA

Qazaqstanda qus tumaýynyń órshý sebebi anyqtaldy

Elimizde qus tumaýynyń kúrt órshýine ne sebep bolǵany belgili boldy. QR Aýyl sharýashylyǵy vıe-mınıstri Gúlmıra Isaeva mán-jaıdy túsindirdi. 

«Epızootııalyq zertteý jumystary kórsetkendeı, aldymen, soltústikten ońtústikke kóship bara jatqan jabaıy qustardyń ólimi tirkelgen. Aýrý ortaq sý qoımasyn paıdalanýdan kelgen. Laboratorııalyq zertteý jumystary júrgizilgennen keıin, qustardyń qandaı dıagnozdan qyrylǵany belgili boldy – ol joǵary patogendi qus tumaýy. Monıtorıng barysynda jabaıy qustardyń (aqqýlar men úırekterdiń), qarǵalar men saýysqandardyń, kógershinderdiń qyrylǵany anyqtaldy», - dedi mınıstrdiń orynbasary.

Gúlmıra Isaeva Petropavldaǵy ortalyq baqta qyrylǵan qarǵalar, saýysqandar men kógershinder jınalyp, órtelgenin jetkizdi.

Sondaı-aq, vıe-mınıstr qus tumaýy saldarynan shyǵynǵa batqan sharýa ıelerine memleketten 400 mln teńge bólinetinin málimdedi.

«Epızootııaǵa qarsy respýblıkalyq otrıad qyrylǵan qus úshin ótemaqy tóleıtin resmı uıym sanalady. Jyl boıy ákimdikterde qyrylǵan mal men qustyń naryqtaǵy qunyn aıqyndap beretin arnaıy komıssııalar jumys isteıdi. Ákimdikterdiń sheshimine sáıkes epızootııaǵa qarsy respýblıkalyq otrıad aımaqtyń veterınarlyq qyzmetinen kerekti materıaldardyń bárin alyp, qusy qyrylǵan árbir sharýa ıesiniń shotyna ótemaqy aýdarady. Eger qujattardyń bári durys bolsa, ótemaqy úsh kúnniń ishinde túsýi kerek. Búgingi tańda otrıadta 390 mln teńge jınaqtalǵan. Osy soma jeke sharýashylyqta baǵylǵan jáne qus tumaýynan qyrylǵan qustardyń baǵasynyń aıqyndalýymen ótemaqy retinde beriledi», - dep túsindirdi G. Isaeva.

Eske sala keteıik, qus tumaýy elimizdiń 5 oblysynda tirkeldi.

 

 

Sońǵy jańalyqtar