21 Qyrkúıek, 14:37 370 0 Áleýmet Anar LEPESOVA

Apatty jáne eski úılerde turatyn elordalyq 300 otbasy jańa baspanaǵa kóshiriledi

Elbasynyń tapsyrmasy boıynsha «Nur Otan» halyqpen talqylaý úshin ár óńir, qala jáne aýdan boıynsha aldaǵy 5 jylǵa arnalǵan 216 saılaýaldy baǵdarlamasynyń jobalaryn jarııalady. Bıleýshi partııa olardy kraýdsorsıng qaǵıdaty boıynsha pysyqtamaq. Iaǵnı, respýblıkalyq partııaishilik praımerızdiń nátıjeleri boıynsha eń úzdik ıdeıalar men sheshimderdi jınap, baǵdarlamalardy jetildirý kózdelip otyr.

Sonymen, elordada saılaýaldy baǵdarlamanyń jobasy qala turǵyndaryn tolǵandyratyn máselelerdi qamtyǵan negizgi 10 baǵyttan turady. Olardyń ishinde úleskerlerdiń, kezekte turǵandardyń máselelerin sheshý, áleýmettik nysandar salý, qoǵamdyq oryndardy jaıly etý sııaqty taǵy da basqa túıitkildi máseleler bar.

Baǵdarlama aıasynda kezekte turǵan 47 myńǵa jýyq turǵyn men 13 myń úleskerdi baspanamen qamtamasyz etý josparlanýda. 20 apatty jáne eski úıde turatyn 300 otbasy jańa baspanaǵa kóshirilmek. 16 turǵyn alabynda 500 aýla abattandyrylyp, áleýmettik nysandar, joldar men sýmen jabdyqtaý jelileri, 50 jańa saıabaq pen gúlzar salynady.

Partııanyń qalalyq fılıaly jıi sý basatyn 34 problemalyq nysandy baqylaýda ustap otyr. Osyǵan baılanysty arnaıy nóserge arnalǵan káriz jelileri men qurylystaryn salý josparda bar.

Jastarǵa da aıtarlyqtaı kóp kóńil bólinedi. «Elorda jastary» turǵyn úı baǵdarlamasyna jyl saıyn qarajat bólý kózdelip otyr. Internat túlekteri arasynan 1800 jasqa tolyqqandy qoldaý kórsetiledi.

Partııa músheleri Almatydaǵy basty máseleler retinde ekologııalyq ahýaldy jaqsartý men qalany kógaldandyrý, kólik jáne jaıaý júrginshi ınfraqurylymyn salýdy qarastyryp otyr. Sondaı-aq, taıaýdaǵy bes jyl ishinde 244 myńǵa jýyq jańa jumys ornyn ashý kózdelgen.

Áleýmettik saladaǵy máselelerdi sheshý úshin partııa 400 jekemenshik mektepke deıingi uıym ashý, 11 memlekettik balabaqsha jáne 8100 oryndyq 7 mektep salýǵa ýáde berip otyr. Stýdent jastardy qoldaý maqsatynda qalanyń 27 joǵary oqý orny men kolledjderinde 40 jataqhana salynady.

Partııanyń Shymkent qalasy boıynsha saılaýaldy baǵdarlamasynyń jobasynda halyqty turǵyn úımen qamtamasyz etý máselesine erekshe nazar aýdarylǵan. Máselen, 5 jyl ishinde 3 mln.sharshy metrge jýyq turǵyn úı salý josparlanýda.

Sonymen qatar, partııa 42 mektep pen 10 densaýlyq saqtaý nysanynyń qurylysyn josparlap otyr. Jastar men áıelder kásipkerligin damytý maqsatynda «Men kásipker bolamyn» óńirlik baǵdarlamasyn iske asyrmaq.

Óńirlerdiń saılaýaldy baǵdarlamalarynyń jobasymen tolyǵyraq primaries.kz.saıtynan tanysýǵa bolady.

Sońǵy jańalyqtar