21 Qyrkúıek, 14:56 11749 0 Qoǵam Anar LEPESOVA

Qazanda qatań karantın engizile me – mınıstrlik jaýaby

Elimizde qazanda qatań karantın engizilýi múmkin be? Bul saýalǵa  Densaýlyq saqtaý mınıstrliginiń resmı ókili Baǵdat Qojahmetov jaýap berdi.

"Búginde Qazaqstanda orta eseppen PTR arqyly aýyrǵandary rastalǵan turǵyndar sany 500-600 adamdy qurap otyr. Eger bul kórsetkish kenetten 30 myńǵa jetse, bul elde qatań karantındik sharalar engizýge basty sebep bolady", - deıdi resmı ókil.

Baǵdat Qojahmetovtiń sózinshe, otandyq densaýlyq saqtaý júıesi indettiń ekinshi tolqynyna tas-túıin daıyn. Qajettilik týyndaǵan jaǵdaıda mınıstrlik Qazaqstan aýrýhanalarynda 70 myńnan astam tósek-oryn ázirleýge qaýqarly deıdi maman.

Eske sala keteıik, ótken táýlikte elimizde 45 adamnan koronavırýs anyqtalyp, indet juqtyrǵandardyń jalpy sany  107 307-ge jetti. Indetten 102 myńǵa jýyq adam emdelip shyqty. 1671 naýqas qaıtys boldy.

Al álemde koronavırýs juqtyrǵandar sany 31 mıllıonǵa jýyqtady. Indet qurbandarynyń sany 959 myńnan asyp jyǵyldy.

Sońǵy jańalyqtar