21 Qyrkúıek, 13:37 594 0 Qoǵam Anar LEPESOVA

Alıment tólemegen áke kóliginen aıryldy

Alıment tólemegen elorda turǵynynan Toyota Camry kóligi tartyp alyndy. Bul týraly sot oryndaýshylar óńirlik palatasynyń baspasóz ortalyǵy habarlady.

Nur-Sultanda alıment pen salyq tólemeıtinderdi izdeý boıynsha ekinshi aı qatarynan reıd júrip jatyr. Zań buzýshylardyń biri - 2016 jyldan beri alıment tólemegen er adam. Onyń qaryzy úsh mıllıon teńgeden asady.

"Qaýly shyǵarylyp, jeke sot oryndaýshysy boryshkerdi taýyp aldy. Elordanyń PD qyzmetkerlerimen birlesip, avtomobıldiń tehnıkalyq pasport pen kólik kiltteri alyndy. 2014 jyly shyǵarylǵan Toyota Camry 55 markaly avtokóligi aıyppul turaǵyna qoıyldy, endi mamandar kólik quralyn baǵalap, ony aýkıonǵa shyǵarý kerek. Osylaısha, birinshi kezekte boryshker óz balasynyń aldyndaǵy qaryzyn óteı alady", deıdi Nur-Sultan qalasy JSO óńirlik palatasy basshysynyń orynbasary Mádına Janasaeva.

 

Sońǵy jańalyqtar