21 Qyrkúıek, 10:33 354 0 Densaýlyq Anar LEPESOVA

COVID-19: Álemde indet juqtyrǵandar sany 31 mıllıonǵa jýyqtady

Álemde koronavırýs juqtyrǵandar sany 31 mıllıonǵa jýyqtady. Al indet qurbandarynyń sany 959 myńnan asyp jyǵyldy. Djons Hopkıns ýnıversıtetiniń sońǵy deregi osyndaı.

Pandemııa bastalǵaly jahan elderinde 30 929 163 adamnan indet anyqtalǵan. Qaterli vırýsty juqtyrǵandar sany jóninen AQSh, Úndistan jáne Brazılııa elderi áli de alda.

AQSh-ta indetke shaldyqqandar sany 6,8 mıllıonǵa jýyqtasa, Úndistanda 5,4 mıllıon adamnan koronavırýs anyqtaldy. Brazılııada kúni búginge deıin 4,5 mıllıon adam indet juqtyrǵan.

Koronavırýs qurbandarynyń sany jóninen de osy úsh memleket kósh bastap tur. AQSh-ta 199 myńnan asa adam qaıtys bolsa, Brazılııada 137 myńǵa jýyq, al Úndistanda 87 myńǵa jýyq naıqas kóz jumdy.

Aıta keteıik, ótken táýlikte Qazaqstanda 45 adamnan koronavırýs anyqtalyp, indet juqtyrǵandardyń jalpy sany 107 307-ge jetti. 102 myńǵa jýyq adam emdelip shyqty. Al derti asqynǵan 1671 adam qaıtys boldy.

Sońǵy jańalyqtar