20 Qyrkúıek, 19:08 483 0 Zań Anar LEPESOVA

Jyl basynan beri SQO-da 162 esirtki qylmysy anyqtaldy

Jyl basynan soltústikqazaqstandyq polıeıler 162 esirtki qylmysyn anyqtady, dep habarlaıdy Polisia.kz.

“Órmek” jedel-profılaktıkalyq is-sharasy sheńberinde Petropavl q. Polıııa basqarmasynyń esirtki qylmysyna qarsy is-qımyl bólimi qyzmetkerleri 34 jastaǵy qala turǵynyn ustady, odan bir keliden astam marıhýana alyndy.

Qalalyq polıııaǵa Petropavl qalasynyń bir turǵyny esirtki ótkizýmen aınalysýy múmkin degen habarlama kelip túsken. Jedel-izdestirý is-sharasy nátıjesinde esirtki qylmysyna kúdikti buryn sottalmaǵan 34 jastaǵy petropavldyq ustaldy. Turǵylyqty jerin tekserý barysynda ustalǵannan erekshe ıisi bar ósimdik tektes zat salynǵan orama tabyldy. Sonymen qatar býyp-túıý materıaldary alyndy. Sot-hımııalyq saraptama qorytyndysyna sáıkes alynǵan zat salmaǵy bir keliden astam keptirilgen marıhýana bolyp tabyldy. Alynǵan oramany ustalǵan adamnyń bir rettik paıdalanatyn 200 dozaǵa bólip salmaqshy bolǵany anyqtaldy.

Qazirgi ýaqytta atalǵan fakti QR QK 296-baby 4-bóligi (Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) boıynsha Sotqa deıingi tergep-tekserýlerdiń biryńǵaı tizilimine engizildi. Baptyń sankııasy úsh jyldan jeti jylǵa deıingi merzimge bas bostandyǵynan aıyrý jazasyn kózdeıdi.

SQO PD Esirtki qylmysyna qarsy is-qımyl basqarmasynyń bastyǵy Jandos Basybaevtyń aıtýynsha, jyl basynan oblystyq esirtki qylmysyna qarsy is-qımyl bólinisteri 162 esirtki qylmysyn anyqtaǵan, onyń 60-y qylmys, sonyń ishinde 33-i ótkizý faktisi. Zańsyz aınalymnan 328 túrli esirtki zattary, onyń ishinde 369 gramm geroın alyndy. Qylmystyq jaýapkershilikke 69 adam tartyldy.

“Órmek” jedel-profılaktıkalyq is-sharasy oblys aýmaǵynda qyrkúıektiń 14-i men 18-i aralyǵynda ótýde.

Sońǵy jańalyqtar