20 Qyrkúıek, 14:59 393 0 Jahan Anar LEPESOVA

Ulybrıtanııada karantındi buzǵandarǵa salynatyn aıyppul ósedi

Ulybrıtanııada karantın talaptaryn buzǵandarǵa salynatyn aıyppul kólemi kóbeıedi. 

Daily Telegraph basylymynyń habarlaýynsha, koronavırýs juqtyrǵany rastalǵan jáne eki aptalyq karantındi birneshe ret buzǵan azamattar kelesi aptadan bastap 10 myń fýntqa deıin (13 myń dollarǵa deıin) tólemek.

Eldegi indettiń taralýyn baqylaý úshin qurylǵan Test jáne trace baǵdarlamasy qyzmetkerleriniń usynystaryna qulaq aspaıtyn turǵyndar da osynsha kólemde aıyppul arqalaıdy.

Budan bólek, Ulybrıtanııa úkimeti alty adamnan artyq jınalǵandarǵa qarjylyq aıyppuldy on esege - 100 fýnttan myńǵa deıin arttyrýdy josparlaýda.

Djons Hopkıns ýnıversıtetiniń dereginshe, pandemııa bastalǵaly Ulybrıtanııada 393 myńǵa jýyq adam koronavırýs juqtyrǵan. Elde indet qurbandarynyń sany 42 myńǵa jýyqtady.

Al álemde indetke shaldyqqandar sany 30,6 mıllıonnan asyp jyǵyldy. Qaterli vırýstan 955 841 adam qaıtys boldy.

Aıta keteıik, ótken táýlikte Qazaqstanda 63 adamnan koronavırýs anyqtalyp, indet juqtyrǵandardyń jalpy sany 107 262-ge jetti. Indetten 1671 otandasymyz kóz jumdy. 102 myńǵa jýyq adam emdelip shyqty.

Sońǵy jańalyqtar