20 Qyrkúıek, 11:49 1022 0 Jahan Anar LEPESOVA

Trampqa joldanǵan sálemdemeden ý tabyldy

AQSh quqyqqorǵaý organdary AQSh prezıdenti Donald Trampqa joldanǵan sálemdemdemeniń ýlanǵanyn anyqtady. Bul týraly eki derekkózge silteme jasap CNN habarlady.

Prezıdentke joldanǵan zattardy zertteý barysynda (Aq úı aýmaǵynan tys jerde jasalady) sálemdemelerdiń birinen rıın ýy tabyldy. Bul qaýipti zat maısana burshaǵynan alynady.

Prezıdenttiń qaýipsizdigin qamtamasyz etetin AQSh-tyń qupııa qyzmeti tergeýdi bastady. Federaldy tergeý bıýrosy da tergeý amaldaryna kiristi. Aq úı ázirge bul oqıǵaǵa baılanysty pikir bildirgen joq.

Eske sala keteıik, 2018 jyldyń qazanynda AQSh-tyń arnaıy qyzmetteri Trampty jáne Pentagonnyń joǵary shendi qyzmetkerlerinýlamaq bolǵan kúdiktini tutqyndaǵan. AQSh-tyń Áskerı-teńiz kúshteriniń 39 jastaǵy burynǵy qyzmetkeri Ýılıam Klaıd Allen rıınmen ýlanǵan birneshe konvertti Aq úıge, sondaı-aq Pentagon basshysy Djeıms Mettıske jáne áskerı-teńiz operaııalarynyń jetekshisi, admıral Djon Rıchardsonǵa jóneltken bolatyn.

Sońǵy jańalyqtar