19 Qyrkúıek, 19:11 879 0 Jańalyqtar Asyl TUMAR

«Taldyqorǵan-Óskemen» jolynyń qurylys jumysy qalaı júrip jatyr?

Almaty oblysyndaǵy jumys sapary barysynda Premer-Mınıstrdiń orynbasary Roman Sklıar «Taldyqorǵan-Óskemen» jolynyń qurylys jumystarymen tanysty.

«Taldyqorǵan-Óskemen» jolynyń qurylys-montajdaý jumysy qarqyndy júrip jatyr. Jumysty júrgizýge 1847 adam men 889 tehnıka jumyldyrylǵan. Kúndelikti joldyń birneshe qabatyn tóseý men tegisteý jumystary atqarylyp, asfalt qabatyn tóseýge ázirlenýde. Sonymen qatar 14 sý ótkizý qubyrlary men 23 kópir jumysynyń 50% aıaqtaldy.

«Úsharal-Dostyq» joly boıynsha aıtar bolsaq, joldyń 60 shaqyrymyn «Qyran» JShS salyp jatyr. Nysanda 265 adam jumys isteıdi. 144 arnaıy tehnıka tartylǵan. Búginde joldy tegisteý maqsatynda 1170 myń tekshe metrden astam tas-topyraq jol qabattary tóselip, tegisteldi. Jol qurylysyna qajetti materıaldardyń qajetti qory ázirlendi.

Bıyl jyl sońyna deıin joldyń 30 shaqyrymyn qoldanysqa berý josparlanyp otyr. Kólik qatynasyn úzbeý maqsatynda 21 shaqyrymdyq ýaqytsha aınalma jol salyndy. Osy joldyń 60-120 shaqyrymy aralyǵyndaǵy jol qurylysyn «ABK-Avtodor NS» JShS júrgizýde. Qurylys jumystaryna 115 tehnıka jáne 239 adam jumyldyrylǵan. Ýaqytsha paıdalaný úshin 20 shaqyrymdyq aınalma jol salynǵan. Qosymsha 10 shaqyrym aınalma jol salý jumystary júrgizilýde. Qazirgi ýaqytta jol boıyndaǵy jerlerdi rásimdeý men karerlerdi paıdalanýǵa ruqsat beretin qujattar daıyndalyp jatyr. 27 sý ótkizý qubyrlarynyń temir-beton qurylǵylary ornatyldy.

Joldyń 120-180 shaqyrymynda bıyl 1 tamyzda aınalma jol salý jumystary bastaldy.

Vıe-premer R.Sklıar jol qurylysy jumystaryn sapaly júrgizip, belgilengen merzimde aıaqtaýdy tapsyrdy.

Sońǵy jańalyqtar