19 Qyrkúıek, 17:23 324 0 Jańalyqtar Asyl TUMAR

Roman Sklıar Almaty oblysyna jumys saparmen bardy

Búgin Premer-Mınıstrdiń orynbasary Roman Sklıar Almaty oblysyna jasaǵan jumys sapary barysynda Taldyqorǵandaǵy qurylysy júrip jatqan mańyzdy áleýmettik nysandardy aralap, qurylys jumystarynyń barysymen tanysty.

Birinshi kezekte vıe-premer oblys ortalyǵyndaǵy 8 bólikten turatyn 200 adamǵa arnalǵan modýldi ınfekııalyq aýrýhanaǵa at basyn burdy. Qurylys salasyndaǵy sońǵy úlgidegi jetistikterdi qoldana otyryp jyldam qarqynmen salynyp jatqan bul nysan óńir basshysy A.Batalovtyń tapsyrmasy boıynsha qazan aıynda aıaqtalýy tıis. Qurylystyń basy-qasynda júrgen merdiger mekeme ókilderi men oblystyq qurylys jáne densaýlyq saqtaý basqarmalarynyń basshylary búgingi kúni qurylys jumystarynyń qansha proenti aıaqtalǵandyǵyn, paıdalanýǵa ótkizý merzimin, medıına jabdyqtarynyń kezeń-kezeńimen jetkizilip jatqanyn, osy mekemede naýqastarǵa qyzmet kórsetetin mamandar (kadr máselesi) týraly baıandady.

Osydan keıin Roman Sklıar álemdik deńgeıdegi jarystardy ótkizýge arnalǵan aýmaǵy 27 myń sharshy metrdi quraıtyn jabyq júzý basseınine bardy. Nysannyń qurylysyn júrgizip jatqan mekeme ókiliniń habarlaýynsha, qurylys jumystaryn qazan, qarasha aılarynda tolyqtaı aıaqtaý josparlanyp otyr. Kelesi kezekte oblys ákimi úkimet basshysynyń orynbasaryna kottedjdi qalashyqta salynyp jatqan úılerdi kórsetti.

Qala ákimi Ǵalymjan Ábdiraıymov búginde 71 turǵyn úı paıdalanýǵa berýge daıyn turǵandyǵyn jáne taǵy 349 úı jyl sońyna deıin salynyp bitetindigin habarlady. Vıe-premer óńirge sapary barysynda stýdentterge arnalǵan 13 qabatty 288 oryndyq jańa jataqhanaǵa baryp, stýdentterdiń turmys jaǵdaıyn surady. Osynda turyp jatqan stýdentter jastarǵa degen qamqorlyǵy úshin el aǵalaryna rızashylyǵyn bildirdi.

Sońǵy jańalyqtar