19 Qyrkúıek, 16:36 387 0 Jańalyqtar Asyl TUMAR

«Bolashaq» stıpendııasy ıegerleriniń tizimi jarııalandy

«Bolashaq» halyqaralyq stıpendııasyna ıe bolǵan úmitkerler tizimi jarııalandy. Bul týraly QR Bilim jáne ǵylym vıe-mınıstri Mıras Dáýlenov óziniń Facebook-tegi paraqshasynda jazdy.

Eń aldymen vıe-mınıstr halyqaralyq stıpendııany taǵaıyndaýda ádildik pen ashyqtyq qamtamasyz etý jolynda jasalǵan basty qadamdarǵa toqtalyp ótti.

«Stıpendıattardy irikteý Prezıdenttik jastar kadrlyq rezervine irikteý úlgisi boıynsha tolyǵymen avtomattandyrylǵan. Konkýrstyq irikteýdiń ár kezeńi proktorıng júıesi arqyly ıfrlandyrylǵan jáne beınetirkeýge alyndy. Biz keshendi testileý men suhbattasý proesin ótkizý tásilin sapaly etip ózgerttik. Úmitkerler oqý ornyna óz betimen túsýi tıis, sondyqtan pándik suraqtar qoıyp, tekserýdiń qajeti joq. Onyń ornyna biz úmitkerlerdiń taldaý, synı oılaý, faktilerdi túsindirý daǵdylaryn jáne erekshe jaǵdaılarda beıimdelý qabiletterin baǵalaýǵa nazar aýdardyq», – dedi M. Dáýlenov.

Onyń aıtýynsha, respýblıkalyq komıssııanyń sheshimimen «Bolashaq» stıpendııasy 106 úmitkerge berildi.

«Taǵy bir basty jańalyq, barlyq stıpendıanttyń bilim alý barysy boıynsha monıtorıng Halyqaralyq baǵdarlamalar ortalyǵynyń jańa portalynda ıfrlyq formatta júzege asyrylatyn bolady. Endi stıpendıattarǵa jarty jylda bir ret transkrıpterdi skanerleýdiń, esepter jazýdyń jáne anyqtamalar jiberýdiń qajeti joq. Barlyq derek blokcheın tehnologııasyna negizdelgen júıede jınalady. Al sol júıedegi kez kelgen ózgerister avtomatty rejımde tirkelip, saqtalady. Bul stıpendıanttarǵa qatysty aqparattyń negizsiz ózgerýine jol bermeıdi», – deıdi ol.

Stıpendıattardyń tolyq tizimimen myna silteme arqyly tanysýǵa bolady.

Sońǵy jańalyqtar