19 Qyrkúıek, 15:43 8291 0 Jańalyqtar Asyl TUMAR

Koronavırýs pnevmonııasymen aýyrǵan naýqastardyń ókpesi 6 aıda qalypqa keledi

Koronavırýs pnevmonııasymen aýyrǵan naýqastardyń ókpesi tolyq qalypqa kelýi úshin 3 aıdan 6 aıǵa deıin ýaqyt kerek.

Medıına ǵylymdarynyń kandıdaty, pýlmonolog Alekseı Pak QazAqparatqa bergen suhbatynda: «Koronavırýstyq pnevmonııamen aýyryp, saýyqqan adamdar kompıýterlik tomografııadan ótkende, ókpesiniń tolyq jaqsarmaǵanyn kóredi. Sondyqtan olar úreıge boı aldyryp, alańdap, qaıtadan em alýdy jalǵastyryp jatady. Al shyn máninde ol naýqastar densaýlyq jaǵdaıynyń jaqsy ekenin sezinedi. Bul másele medıına mamandarynyń halyqty durys aqparatpen qamtamasyz etpeýinen týyndap otyr. Pnevmonııadan zaqym kelgen ókpeniń tolyq orny bitip ketýi úshin 3 aıdan 6 aıǵa deıin ýaqyt kerek. Keıbir jaǵdaıda ókpedegi ózgeris ómir boıyna saqtalýy múmkin. Sondyqtan kompıýterlik tomografııa olardyń tynys alý organynda dert bar dep kórsetedi. Bul adam aýrýynan áli aıyqpaǵan degendi bildirmeıdi», – dep atap ótti.

Sondaı-aq, Alekseı Pak pnevmonııany koronavırýs ınfekııasynan bólip qarastyrý máselesi týraly pikir bildirdi.

«Qazir buqara arasynda koronavırýs ınfekııasyn jáne pnevmonııa aýrýyn ekige bólip qarastyrý týraly jańsaq pikir qalyptasty. Bul múldem aqylǵa qonbaıtyn dúnıe. Pnevmonııanyń tek bakterııalyq túri bar. Oǵan adamdar óte az shaldyǵady. Búgingi jaǵdaıda pnevmonııanyń bakterııalyq emes, ınfekııalyq túri órshidi. Ol koronavırýstyń asa aýyr asqynǵan túri. Jappaı indet taraǵansha, men kúnine bakterııadan ókpesi zaqymdanǵan 5-6 naýqasty qaraıtyn edim. Al dert órshigende, bir kúnde 600 adamdy tekseristen ótkizdim. Pnevmonııaǵa shaldyqqan naýqastar koronavırýstyq ınfekııamen aýyratyndar. COVID -19 anyqtaıtyn ádis-tásilder ártúrli. Máselen, indet PR taldamasy arqyly anyqtalmaı, biraq kompıýterlik tomografııa tekserýi boıynsha ókpeniń zaqymdanǵany kórsetiledi. Bul siz koronavırýs juqtyrdyńyz degendi bildiredi», – dedi Ulttyq ǵylymı medıınalyq ortalyǵynyń pýlmonolog-dárigeri Alekseı Pak.

Sońǵy jańalyqtar