19 Qyrkúıek, 11:33 2469 0 Jańalyqtar Asyl TUMAR

Aqtóbede izdeýde júrgen 18 kúdikti ustaldy

Aqtóbede «Izdestirý» respýblıkalyq aldyn alý sharasy ótkizildi. Eki kún ishinde qylmystyq isterge qatysy bar, izdeýde júrgen 18 kúdikti ustaldy.

Tabylǵan 18 kúdiktiniń 8-in Reseı Federaııasynyń quqyq qorǵaý organdary izdestirip jatyr. Onyń ishinde Orynbor oblysynyń – 5, Bashqurtstan respýblıkasynyń – 1, Daǵystan respýblıkasynyń – 1 jáne Stavropol ólkesiniń – 1 azamaty bar.

Sonymen birge oblys aýmaǵynda habar-osharsyz ketken 7 adam tabyldy, olardyń ekeýi kámeletke tolmaǵan bala.

«Ótpeli shaqta jasóspirimder men ata-ana arasynda urys-keris bolady. Kóbine 14-17 jas aralyǵyndaǵy balalar sezimge berilip, esikti tars jaýyp, ketip qalady. Sonymen birge, ata-ana kishkentaılaryn baqylaýsyz qaldyrady. Mysaly, ata-analar balany kóshege oınaýǵa jiberip, ózderi úı sharýasymen aınalysady, al balany qaraýsyz qaldyryp, keıde keshke deıin qaıda júrgenin qadaǵalamaıdy. Joǵalý faktisi anyqtalǵan kezde birden polıııaǵa júginbeı, ózderi izdeýmen aınalysady. Mundaıda adamdardy izdeýge úles qosqan eriktiler uıymyna jeke alǵysymdy bildirgim keledi. Áleýmettik jeliniń de kómegi zor», – dedi oblystyq PD bastyǵynyń orynbasary Qanat Nurmaǵambetov.

 

Sońǵy jańalyqtar