19 Qyrkúıek, 10:47 3135 0 Jańalyqtar Asyl TUMAR

Demalys kúnderi keı óńirde úsik júredi – Qazgıdromet

«Qazgıdromet» RMK Qazaqstannyń 9 oblysynda aýa raıyna baılanysty eskertý jarııalady.

19 qyrkúıekte Aqtóbe oblysynda jel kúsheıip, jyldamdyǵy sekýndyna 15-20 metrge jetedi.

19-20 qyrkúıekte Almaty oblysynyń keı jerlerinde túnde jerdiń betinde 1-3 gradýs úsik júredi.

19 qyrkúıekte Atyraý oblysynda keı jerlerinde nóser jaýyn jaýyp, naızaǵaı oınap, jel sekýndyna 15-20 metr jyldamdyqpen soǵady.

Jambyl oblysynda keı jerlerde naızaǵaı oınap, tuman túsedi, jeldiń kúshi sekýndyna 15-20 metr bolady. Túnde keı jerlerde jerdiń betinde 1-3 gradýs úsik júredi.

Batys Qazaqstan oblysynda jel kúsheıip, jyldamdyǵy sekýndyna 15-20 metrge jetedi, keı jerlerde naızaǵaı oınap, daýyl turady, burshaq, kúndiz nóser jańbyr jaýady.

Qyzylorda oblysynda jel sekýndyna 15-20 metr jyldamdyqpen esedi. Kúndiz órt qaýpi óte joǵary bolady.

Mańǵystaý oblysynda keı jerlerde naızaǵaı oınap, shańdy daýyl turady, jel sekýndyna 15-20 metr jyldamdyqpen soǵady, kúndiz ekpini sekýndyna 23 metrge jetedi.

Soltústik Qazaqstan oblysynda tuman túsip, jeldiń kúshi sekýndyna 15-20 metrge jetedi.

Túrkistan oblysynda jel kúsheıip, jyldamdyǵy sekýndyna 15-20 metr bolady.

Tótenshe jaǵdaılar mınıstrligi azamattardy aýa-raıynyń ózgeristerin baqylap, aýa raıyna baılanysty eskertý týraly habarlamalardy tyńdap, qajetti saqtyq sharalaryn saqtaýǵa shaqyrady.

 

Sońǵy jańalyqtar